16.59C Vancouver 16.59C VancouverJan 4, 2022 11:24 PM - The Canadian Press
ਸਰੀ, ਲੈਂਗਲੀ ਅਤੇ ਐਬਟਸਫੋਰਡ ਦੇ ਇਲਾਕਿਆਂ 'ਚ ਹੋਏ ਕਈ ਡਾਕਿਆਂ ਲਈ 2 ਲੋਕਾਂ 'ਤੇ ਦੋਸ਼ ਲੱਗੇ ਹਨ।
ਦੋਵਾਂ 'ਚ ਇੱਕ ਵਿਅਕਤੀ ਐਬਟਸਫੋਰਡ ਅਤੇ ਇੱਕ ਕੈਲਗਰੀ ਦਾ ਦੱਸਿਆ ਗਿਆ ਹੈ।
ਕਥਿਤ ਤੌਰ 'ਤੇ ਇਨ੍ਹਾਂ ਡਾਕਿਆਂ ਨੂੰ 2, 10 ਅਤੇ 11 ਅਕਤੂਬਰ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਸ਼ੱਕੀਆਂ ਦੀ ਉਮਰ 21 ਅਤੇ 22 ਸਾਲ ਦੱਸੀ ਗਈ ਹੈ।
ਸਰੀ ਅਤੇ ਲੈਂਗਲੀ 'ਚ ਸੈੱਲ ਫੋਨ ਸਟੋਰਸ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ ਜਦਕਿ ਐਬਟਸਫੋਰਡ 'ਚ ਇੱਕ ਫਾਰਮੇਸੀ 'ਚ ਲੁੱਟ ਕੀਤੀ ਗਈ ਸੀ।
ਕੈਲਗਰੀ ਦੇ 21 ਸਾਲਾ ਸ਼ੱਕੀ 'ਤੇ 11 ਦੋਸ਼ ਲੱਗੇ ਹਨ।
ਇਸ 'ਚ ਡਾਕੇ ਅਤੇ ਜਬਰਦਸਤੀ ਕਾਬੂ 'ਚ ਰੱਖਣ ਦੇ ਦੋਸ਼ ਸ਼ਾਮਿਲ ਹਨ।
ਐਬਟਸਫੋਰਡ ਦੇ 22 ਸਾਲਾ ਸ਼ੱਕੀ 'ਤੇ ਡਾਕੇ ਦੇ 2 ਦੋਸ਼ ਅਤੇ ਜਬਰਦਸਤੀ ਕਾਬੂ 'ਚ ਰੱਖਣ ਦੇ 2 ਦੋਸ਼ ਲੱਗੇ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਦੋਵਾਂ ਨੂੰ 20 ਦਿਸੰਬਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਦੋਵਾਂ ਨੂੰ ਕੋਰਟ 'ਚ ਪੇਸ਼ ਤਕ ਹਿਰਾਸਤ 'ਚ ਰੱਖਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
