13.91C Vancouver 13.91C VancouverJul 8, 2025 5:43 PM - The Canadian Press
ਮੈਨੀਟੋਬਾ ਆਰਸੀਐਮਪੀ ਦਾ ਕਹਿਣਾ ਹੈ ਕਿ ਮੰਗਲਵਾਰ ਸਵੇਰੇ ਦੋ ਛੋਟੇ ਜਹਾਜ਼ ਹਵਾ ਵਿਚ ਆਪਸ ਵਿਚ ਟਕਰਾਏ, ਜਿਸ ਵਿਚ ਦੋਵੇਂ ਪਾਈਲਟਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਹੈਨੋਵਰ ਨਗਰਪਾਲਿਕਾ ਵਿਚ ਸਵੇਰੇ 8:45 ਵਜੇ ਦੇ ਕਰੀਬ ਵਾਪਰਿਆ। ਆਰ.ਸੀ. ਐੱਮ.ਪੀ. ਦਾ ਕਹਿਣਾ ਹੈ ਕਿ ਪਾਇਲਟਾਂ ਦੀਆਂ ਲਾਸ਼ਾਂ ਸਿੰਗਲ-ਇੰਜਣ ਵਾਲੇ ਇਨ੍ਹਾਂ ਜਹਾਜ਼ਾਂ ਦੇ ਮਲਬੇ ਵਿਚੋਂ ਮਿਲੀਆਂ। ਇਨ੍ਹਾਂ ਵਿਚ ਕੋਈ ਯਾਤਰੀ ਸਵਾਰ ਨਹੀਂ ਸੀ।
ਹਾਰਵਜ਼ ਏਅਰ ਫਲਾਇੰਗ ਸਕੂਲ ਦੇ ਪ੍ਰਧਾਨ ਐਡਮ ਪੈਨਰ ਨੇ ਕਿਹਾ ਕਿ ਇਸ ਹਾਦਸੇ ਵਿਚ ਮਾਰੇ ਗਏ ਦੋਵੇਂ ਪਾਇਲਟਸ ਸਟੂਡੈਂਟ ਸਨ ਅਤੇ ਇਹ ਹਾਦਸਾ ਇੱਕ ਸਿਖਲਾਈ ਦੌਰਾਨ ਵਾਪਰਿਆ।
ਪਾਈਲਟਾਂ ਦੀ ਉਮਰ ਜਾਂ ਲਿੰਗ ਬਾਰੇ ਕੋਈ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ। ਪੁਲਿਸ ਨੇ ਕਿਹਾ ਕਿ ਹਾਦਸੇ ਸਬੰਧੀ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਆਫ਼ ਕੈਨੇਡਾ ਨੂੰ ਜਾਣਕਾਰੀ ਦਿੱਤੀ ਗਈ ਹੈ।
