15.14C Vancouver 15.14C VancouverNov 10, 2020 5:34 PM -
ਬੀ.ਸੀ. 'ਚ ਇੱਕ ਸਰਵੇਖਣ 'ਚ ਸਾਹਮਣੇ ਆਇਆ ਹੈ ਕਿ, ਸੂਬੇ ਦੇ ਵਧੇਰੇ ਲੋਕ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਵਿਚਾਲੇ, ਵਧੇਰੇ ਪਬੰਦੀਆਂ ਦੇ ਲਾਗੂ ਕੀਤੇ ਜਾਣ ਦੇ ਪੱਖ 'ਚ ਹਨ।
ਲੈਗਰ ਵੱਲੋਂ ਕੀਤੇ ਗਏ ਇੱਕ ਸਰਵੇਖਣ 'ਚ ਸਾਹਮਣੇ ਆਇਆ ਹੈ ਕਿ 76% ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਕਰਫਿਊ ਦੇ ਨਾਲ ਸਹਿਮਤੀ ਜ਼ਾਹਿਰ ਕਰਨਗੇ, ਜੇਕਰ ਹਾਲਾਤ ਇੰਨੇ ਵਿਗੜ ਜਾਂਦੇ ਹਨ ਅਤੇ ਸਿਹਤ ਅਧਿਕਾਰੀ ਇਸ ਦੀ ਸਲਾਹ ਦਿੰਦੇ ਹਨ।
ਰਾਸ਼ਟਰੀ ਪੱਧਰ 'ਤੇ ਅਜਿਹੀ ਸੋਚ ਰੱਖਣ ਵਾਲਿਆਂ ਦੀ ਗਿਣਤੀ 67% ਦੱਸੀ ਗਈ ਹੈ।
ਹਾਲਾਂਕਿ ਮੈਨੀਟੋਬਾ ਅਤੇ ਸਸਕੈਚਵਿਨ 'ਚ ਇਸੇ ਸੰਬੰਧੀ 77% ਲੋਕ ਪੱਖ 'ਚ ਖੜੇ ਹਨ।
ਕਿਊਬੈਕ 'ਚ 63% ਅਤੇ ਐਲਬਰਟਾ 'ਚ 64% ਲੋਕਾਂ ਨੇ ਲੌਕਡਾਊਨ ਦੇ ਪੱਖ 'ਚ ਹਾਮੀ ਭਰੀ ਹੈ।
ਇਹ ਸਰਵੇਖਣ 6 ਤੋਂ 8 ਨਵੰਬਰ ਤੱਕ ਔਨਲਾਈਨ ਪੱਧਰ 'ਤੇ ਕੀਤਾ ਗਿਆ ਸੀ ਅਤੇ ਇਸ 'ਚ 1,534 ਐਡਲਟ ਕਨੇਡੀਅਨ ਲੋਕ ਸ਼ਾਮਿਲ ਹੋਏ ਸਨ।
ਦੂਜੇ ਪਾਸੇ 1,002 ਅਮਰੀਕਨਾਂ ਦੀ ਵੀ ਸਲਾਹ ਲਈ ਗਈ ਸੀ।
