19.72C Vancouver 19.72C VancouverSep 10, 2021 10:36 PM -
ਟੈਨਿਸ ਦੇ ਯੂ.ਐਸ. ਓਪਨ ਗਰੈਂਡ ਸਲੈਮ 'ਚ ਕੈਨੇਡਾ ਦੀ ਲੈਲਾ ਫਰਨਾਂਡੇਜ਼ ਨੇ ਇਤਿਹਾਸਿਕ ਜਿੱਤ ਦਰਜ ਕੀਤੀ ਹੈ।
ਫਰਨਾਂਡੇਜ਼ ਨੇ ਯੂ.ਐਸ. ਓਪਨ ਗਰੈਂਡ ਸਲੈਮ ਦੇ ਫਾਈਨਲ 'ਚ ਐਂਟਰੀ ਕਰ ਲਈ ਹੈ।
ਸੈਮੀਫਾਈਨਲ ਮੁਕਾਬਲੇ ਨੰਬਰ 2 ਸੀਡ ਬੇਲਾਰੂਸ ਦੀ ਅਰੀਨਾ ਸਾਬਾਲੈਂਕਾ ਨਾਲ ਹੋਈ ਰੋਮਾਂਚਕ ਟੱਕਰ 'ਚ ਫਰਨਾਂਡੇਜ਼ ਜੇਤੂ ਰਹੀ।
ਫਰਨਾਂਡੇਜ਼ ਨੇ ਸੈਮੀਫਾਈਨਲ ਮੁਕਾਬਲੇ 'ਚ 7-6, 4-6, 6-4 ਨਾਲ ਬਾਜ਼ੀ ਮਾਰੀ।
ਇਹ ਪਹਿਲਾ ਮੌਕਾ ਹੈ ਜਦ 19 ਸਾਲਾ ਫਰਨਾਂਡੇਜ਼ ਨੇ ਕਿਸੇ ਗਰੈਂਡ ਸਲੈਮ ਦੇ ਫਾਈਨਲ 'ਚ ਐਂਟਰੀ ਕੀਤੀ ਹੈ।
ਸ਼ਨੀਵਾਰ ਨੂੰ ਖੇਡੇ ਜਾਣ ਵਾਲੇ ਖਿਤਾਬੀ ਮੁਕਾਬਲੇ 'ਚ ਫਰਨਾਂਡੇਜ਼ ਦੀ ਟੱਕਰ ਬ੍ਰਿਟੇਨ ਦੀ 18 ਸਾਲਾ ਐਮਾ ਰੈਡੁਕਾਨੂ ਨਾਲ ਹੋਵੇਗੀ।
ਕੈਨੇਡਾ ਦੇ ਫਿਲੀਕਸ ਔਜੇ ਐਲਿਆਸੀਮ ਦੇ ਹੱਥ ਲੱਗੀ ਹਾਰ
ਕੈਨੇਡਾ ਦੇ ਫਿਲੀਕਸ ਔਜੇ ਐਲਿਆਸੀਮ ਦਾ ਯੂ.ਐਸ. ਓਪਨ ਗਰੈਂਡ ਸਲੈਮ ਦੇ ਫਾਈਨਲ 'ਚ ਪਹੁੰਚਣ ਦਾ ਸੁਫਨਾ ਟੁੱਟ ਗਿਆ ਹੈ।
ਅੱਜ ਖੇਡੇ ਗਏ ਸੈਮੀਫਾਈਨਲ 'ਚ ਐਲਿਆਸੀਮ ਨੂੰ ਰੂਸ ਦੇ ਟੈਨਿਸ ਖਿਡਾਰੀ ਡੈਨਿਲ ਮੈਡਵੇਡੇਵ ਨੇ ਮਾਤ ਦੇ ਦਿੱਤੀ।
ਮੇਡਵੇਡੇਵ ਨੇ 6-4, 7-5, 6-2 ਦੇ ਫਰਕ ਨਾਲ ਬਾਜੀ ਮਾਰੀ।
21 ਸਾਲਾ ਫਿਲੀਕਸ ਔਜੇ ਐਲਿਆਸੀਮ ਇਸ ਮੁਕਾਬਲੇ ਨੂੰ ਸਿੱਧੇ ਸੈਟਾਂ 'ਚ ਗਵਾ ਬੈਠੇ।
