12.91C Vancouver 12.91C VancouverFeb 23, 2022 10:36 PM - The Canadian Press
ਵੈਨਕੂਵਰ ਆਈਲੈਂਡ ਦੇ 2 ਨਿਊ ਡੈਮੋਕ੍ਰੈਟ ਮੈਂਬਰ ਪਾਰਲੀਅਮੈਂਟਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਕੰਸਟੀਟੁਐਂਸੀ ਦਫਤਰਾਂ ਨਾਲ ਤੋੜਭੰਨ ਕੀਤੀ ਗਈ ਹੈ।
ਨੌਰਥ ਆਈਲੈਂਡ ਪੌਵੈਲ ਰਿਵਰ ਐਮ.ਪੀ. ਰੇਚਲ ਬਲੇਨੀ ਨੇ ਇੱਕ ਤਸਵੀਰ ਸਾਂਝੀ ਕੀਤੀ ਹੈ ਜਿਸ 'ਚ ਖਿੜਕੀਆਂ 'ਤੇ ਇੱਕ ਗ੍ਰੈਫੀਟੀ ਬਣਾਇਆ ਵੇਖਿਆ ਜਾ ਸਕਦਾ ਹੈ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਕੋਰਟਨੀ ਐਲਬਰਨੀ ਐਮ.ਪੀ. ਗੌਰਡ ਜੌਨ ਦੇ ਪਾਰਕਸਵਿਲ ਦਫ਼ਤਰ ਦੀਆਂ 2 ਖਿੜਕੀਆਂ ਭੰਨ ਦਿੱਤੀਆਂ ਗਈਆਂ ਹਨ।
ਹਾਲਾਂਕਿ ਦੱਸਿਆ ਗਿਆ ਕਿ ਕੋਈ ਵਿਅਕਤੀ ਦਫ਼ਤਰ 'ਚ ਦਾਖਿਲ ਨਹੀਂ ਹੋਇਆ।
ਉਧਰ ਬਲੇਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਕੈਂਪਬੈਲ ਰਿਵਰ ਦੇ ਦਫ਼ਤਰ 'ਚ ਐਤਵਾਰ ਰਾਤ ਨੂੰ ਵਾਪਰੀ ਘਟਨਾ ਡਰਾਉਣੀ ਅਤੇ ਗੈਰਕਨੂੰਨੀ ਸੀ।
ਉਨ੍ਹਾਂ ਕਿਹਾ ਕਿ ਕਨੇਡੀਅਨ ਲੋਕ ਪੌਲੀਸੀ ਮਸਲਿਆਂ 'ਤੇ ਇਸ ਢੰਗ ਨਾਲ ਪ੍ਰਤੀਕਿਰਿਆ ਨਹੀਂ ਦਰਸ਼ਾਉਂਦੇ ਹਨ।
ਜੌਨ ਦਾ ਕਹਿਣਾ ਹੈ ਕਿ ਉਹ ਨਹੀਂ ਚਾਹੁੰਦੇ ਕਿ ਉਨ੍ਹਾਂ ਦੇ ਸਟਾਫ਼ ਨੂੰ ਦਫ਼ਤਰ 'ਚ ਕਿਸੇ ਤਰ੍ਹਾਂ ਦੇ ਹਿੰਸਕ ਮਾਹੌਲ ਦਾ ਸਾਹਮਣਾ ਕਰਨਾ ਪਵੇ।
ਫਿਲਹਾਲ ਪੁਲਿਸ ਨੇ ਕਿਸੇ ਸ਼ੱਕੀ ਸੰਬੰਧੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।
