25.87C Vancouver 25.87C VancouverAug 12, 2025 4:33 PM - Connect Newsroom
ਫੋਰਟ ਸੇਂਟ ਜੌਨ ਵਿਚ ਸੋਮਵਾਰ ਨੂੰ ਹਾਈਵੇਅ 97 ਨੌਰਥ 'ਤੇ ਦੋ ਵਾਹਨਾਂ ਦੀ ਟੱਕਰ ਵਿਚ ਇੱਕ ਡਰਾਈਵਰ ਦੀ ਮੌਤ ਹੋ ਗਈ। ਇਹ ਟੱਕਰ ਇੱਕ ਐਸਯੂਵੀ ਅਤੇ ਟੈਂਕਰ ਟਰੱਕ ਵਿਚਕਾਰ ਹੋਈ। ਫੋਰਟ ਸੇਂਟ ਜੌਨ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਜਾਂਚ ਵਿਚ ਪਤਾ ਲੱਗਾ ਕਿ ਐੱਸਯੂਵੀ ਰੈਡ ਲਾਈਟ ਨਹੀਂ ਰੁਕੀ ਅਤੇ ਟੈਂਕਰ ਟਰੱਕ ਨਾਲ ਜਾ ਟਕਰਾਈ ਜੋ 269 ਰੋਡ ਤੋਂ ਹਾਈਵੇ 97 'ਤੇ ਖੱਬੇ ਮੁੜ ਰਿਹਾ ਸੀ।
ਪੁਲਿਸ ਨੇ ਕਿਹਾ ਕਿ ਇਹ ਘਟਨਾ ਦੁਪਿਹਰ ਕਰੀਬ 1.42 ਵਜੇ ਵਾਪਰੀ।ਫੋਰਟ ਸੇਂਟ ਜੌਨ ਆਰ.ਸੀ.ਐਮ.ਪੀ., ਬੀ.ਸੀ.ਐਂਬੂਲੈਂਸ ਸਰਵਿਸ ਅਤੇ ਚਾਰਲੀ ਲੇਕ ਤੇ ਫੋਰਟ ਸੇਂਟ ਜੌਨ ਫਾਇਰ ਸਰਵਿਸ ਸਾਰੇ ਘਟਨਾ ਸਥਾਨ 'ਤੇ ਮੌਜੂਦ ਸਨ।
ਐਸਯੂਵੀ ਦੇ ਡਰਾਈਵਰ ਨੂੰ ਮੌਕੇ 'ਤੇ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਫੋਰਟ ਸੇਂਟ ਜੌਨ ਆਰ.ਸੀ.ਐਮ.ਪੀ. ਨੇ ਮ੍ਰਿਤਕ ਦੀ ਪਛਾਣ ਅਤੇ ਉਹ ਕਿੱਥੋਂ ਦਾ ਰਹਿਣ ਵਾਲਾ ਸੀ ਇਸ ਬਾਰੇ ਕੋਈ ਜਾਣਕਾਰੀ ਜਨਤਕ ਨਹੀਂ ਕੀਤੀ।
