ਯੂ. ਕੇ. ਵਿਚ ਸਿੱਖਾਂ ਨੂੰ ਮਿਲੀਆਂ ਜਾਨੋ ਮਾਰਨ ਦੀਆਂ ਧਮਕੀਆਂ

ਯੂ. ਕੇ. ਵਿਚ ਸਿੱਖਾਂ ਨੂੰ ਜਾਨੋ ਮਾਰਨ ਦੀਆਂ ਧਮਕੀਆਂ ਮਿਲਣ ਦੀਆਂ ਰਿਪੋਰਟਸ ਸੁਰਖੀਆਂ ਵਿਚ ਹਨ। ਬ੍ਰਿਟਿਸ਼ ਐੱਮ.ਪੀ.ਐੱਸ. ਦੇ ਇੱਕ ਗਰੁੱਪ ਨੇ ਇਸ ਸਬੰਧ ਵਿਚ ਸੁਰੱਖਿਆ ਮੰਤਰੀ ਨਾਲ ਤੁਰੰਤ ਜ਼ਰੂਰੀ ਮੀਟਿੰਗ ਦੀ ਬੇਨਤੀ ਕੀਤੀ ਹੈ।

ਹਾਲ ਹੀ ਵਿਚ ਇੱਕ ਰਿਪੋਰਟ ਸਾਹਮਣੇ ਆਈ ਸੀ, ਜਿਸ ਦਾ ਕਹਿਣਾ ਹੈ ਕਿ ਵੈਸਟ ਮਿਡਲੈਂਡਜ਼ ਪੁਲਿਸ ਨੇ ਇੱਕ ਫੈਮਿਲੀ ਦੇ ਤਿੰਨ ਮੈਂਬਰਸ ਨੂੰ ਮਾਰਚ ਵਿਚ ਓਸਮਾਨ ਚਿਤਾਵਨੀ ਜਾਰੀ ਕੀਤੀ ਸੀ, ਜਿਸ ਦਾ ਮਤਲਬ ਹੈ ਕਿ ਉਨ੍ਹਾਂ ਦੀ ਜਾਨ ਨੂੰ ਖਤਰਾ ਹੈ ਇਸ ਦੀ ਖੁਫੀਆ ਜਾਣਕਾਰੀ ਹੈ ਪਰ ਗ੍ਰਿਫਤਾਰੀ ਲਈ ਲੋੜੀਂਦੇ ਸਬੂਤ ਨਹੀਂ ਹਨ।

ਸਿੱਖ ਕਾਰਕੁੰਨ ਅਵਤਾਰ ਸਿੰਘ ਖੰਡਾ ਦੀ ਮੌਤ ਦੇ ਸੰਬੰਧ ਵਿਚ ਵੀ ਜਾਂਚ ਦੀ ਮੰਗ ਕੀਤੀ ਜਾ ਰਹੀ ਹੈ। ਖੰਡਾ ਦੀ ਪਿਛਲੇ ਸਾਲ ਅਚਾਨਕ ਬਿਮਾਰੀ ਤੋਂ ਬਾਅਦ ਮੌਤ ਹੋ ਗਈ ਸੀ। ਜਾਣਕਾਰੀ ਮੁਤਾਬਕ, ਲੇਬਰ ਐੱਮ.ਪੀ.ਐੱਸ ਪ੍ਰੀਤ ਕੌਰ ਗਿੱਲ, ਅਫਜ਼ਲ ਖਾਨ ਅਤੇ ਤਨਮਨਜੀਤ ਸਿੰਘ ਢੇਸੀ ਅਤੇ ਕੁਝ ਕੰਜ਼ਰਵੇਟਿਵ ਐੱਮ.ਪੀ.ਐੱਸ. ਨੇ ਮਿਲ ਕੇਸੁਰੱਖਿਆ ਮੰਤਰੀ ਟੌਮ ਤੁਗੇਂਧਾਤ ਨੂੰ ਚਿੱਠੀ ਲਿਖ ਕੇ ਮੀਟਿੰਗ ਬੁਲਾਉਣ ਦੀ ਮੰਗ ਕੀਤੀ ਹੈ।

ਤਨਮਨਜੀਤ ਸਿੰਘ ਢੇਸੀ ਇਸ ਮੁੱਦੇ ’ਤੇ ਸੰਸਦ ਵਿਚ ਬੋਲੇ, ਢੇਸੀ ਨੇ ਸਰਕਾਰ ਨੂੰ ਪੁੱਛਿਆ ਕਿ ਉਹ ਬ੍ਰਿਟਿਸ਼ ਸਿੱਖਾਂ ਦੀ ਸੁਰੱਖਿਆ ਅਤੇ ਸਕਿਓਰਿਟੀ ਨੂੰ ਯਕੀਨੀ ਬਣਾਉਣ ਲਈ ਕੀ ਕਰ ਰਹੀ ਹੈ।