25.11C Vancouver 25.11C VancouverJun 2, 2021 3:41 PM -
'ਦ ਯੂਨਾਇਟਿਡ ਨੇਸ਼ਨਜ਼ ਹਯੂਮਨ ਰਾਈਟਜ਼ ਔਫਿਸ' ਵੱਲੋਂ ਕੈਨੇਡਾ ਦੀਆਂ ਹਰ ਪੱਧਰ ਦੀਆਂ ਸਰਕਾਰਾਂ ਤੋਂ ਰੈਜ਼ੀਡੈਂਸ਼ੀਅਲ ਸਕੂਲਾਂ ਵਿੱਚ ਇੰਡੀਜਨਸ ਬੱਚਿਆਂ ਦੀਆਂ ਮੌਤਾਂ ਦੇ ਸੰਬੰਧ ਵਿੱਚ ਜਾਂਚ ਦੇ ਕਦਮਾਂ ਵਿੱਚ ਵਾਧੇ ਦੀ ਮੰਗ ਕੀਤੀ ਜਾ ਰਹੀ ਹੈ।
ਹਯੂਮਨ ਰਾਈਟਜ਼ ਔਫਿਸ ਦੀ ਬੁਲਾਰੀ ਦਾ ਕਿਹਣਾ ਹੈ ਕਿ ਕੈਮਲੂਪਸ ਵਿੱਚ ਦਫ਼ਨਾਏ ਗਏ 215 ਬੱਚਿਆਂ ਦੇ ਸਬੂਤ ਮਿਲਣਾ "ਬੇਹੱਦ ਹੈਰਾਨੀਜਨਕ ਅਤੇ ਪੁਰਾਣੇ ਦਰਦਨਾਕ ਜ਼ਖ਼ਮਾਂ" ਨੂੰ ਦੁਬਾਰਾ ਖੋਲਣ ਵਾਲੀ ਵਾਰਦਾਤ ਹੈ।
ਮਾਰਤਾ ਹਰਟੇਡੋ ਮੁਤਾਬਕ ਕੈਨੇਡਾ ਨੂੰ ਤੁਰੰਤ ਅਤੇ ਨਿਪੁੰਨਤਾ ਨਾਲ ਮੌਤਾਂ ਦੀ ਜਾਂਚ ਅਤੇ ਅਜੇਹੀਆਂ ਹੋਰ ਕਬਰਾਂ ਦੀ ਖੋਜ ਕਰਨੀ ਚਾਹੀਦੀ ਹੈ।
ਉਸ ਦਾ ਕਹਿਣਾ ਹੈ ਕਿ ਰਾਹਤ ਤਾਂ ਹੀ ਸੰਭਵ ਹੈ ਜਦੋਂ ਪਰਿਵਾਰਾਂ ਅਤੇ ਇੰਡੀਨਜਨਸ ਭਾਈਚਾਰਿਆਂ ਨੂੰ ਗੁੰਮ ਹੋਏ ਬੱਚਿਆਂ ਬਾਰੇ ਦਸਤਾਵੇਜ਼ਾਂ ਤੱਕ ਪਹੁੰਚ ਦਿੱਤੀ ਜਾਂਦੀ ਹੈ ਜਾਂ ਮ੍ਰਿਤਕ ਬੱਚਿਆਂ ਦੇ ਸਰੀਰ ਦੀ ਸਹੀ ਪਛਾਣ ਕੀਤੀ ਜਾਂਦੀ ਹੈ।
ਹਰਟੇਡੋ ਅਨੁਸਾਰ ਪੀੜਤ ਪਰਿਵਾਰਾਂ ਨੂੰ ਉਚਿਤ ਮੁਆਵਜ਼ਾ ਅਤੇ ਅਧਿਕਾਰਤ ਮੁਆਫ਼ੀ 'ਤੇ ਵੀ ਵਿਚਾਰ ਕੀਤਾ ਜਾਣਾ ਚਾਹੀਦਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਹੈ ਕਿ "ਕੈਨੇਡਾ ਦਾ ਕਸੂਰ ਹੈ" ਕਿ ਜ਼ਬਰਦਸਤੀ ਰੈਜ਼ੀਡੈਂਸ਼ੀਅਲ ਸਕੂਲਾਂ ਨੂੰ ਭੇਜੇ ਗਏ ਬੱਚੇ ਮਾਪੇ, ਬਜ਼ੁਰਗ ਅਤੇ ਭਾਈਚਾਰੇ ਦੇ ਆਗੂ ਨਹੀਂ ਬਣ ਸਕੇ ਜੋ ਉਹ ਬਣਨੇ ਚਾਹੀਦੇ ਸਨ।
ਇੰਡੀਜਨਸ ਸਰਵਿਸਜ਼ ਮਿਨਿਸਟਰ ਮਾਰਕ ਮਿਲਰ ਅਤੇ ਕਰਾਉਨ-ਇੰਡੀਜਨਸ ਰਿਲੇਸ਼ਨਜ਼ ਮਿਨਿਸਟਰ ਕੈਰੋਲਿਨ ਬੈਨਏਟ ਨੇ ਅੱਜ ਦੇਸ਼ ਭਰ ਵਿੱਚ ਦਫ਼ਨ ਬੱਚਿਆਂ ਦੀ ਵਧੇਰੇ ਜਾਂਚ ਲਈ ਸਰਕਾਰ ਵੱਲੋਂ ਪ੍ਰਦਾਨ ਕੀਤੇ ਜਾਣ ਵਾਲੇ $27 ਮਿਲੀਅਨ ਦੇ ਵੇਰਵੇ ਸਾਂਝੇ ਕੀਤੇ।
