19.01C Vancouver 19.01C VancouverMay 19, 2020 3:56 PM -
ਅਮਰੀਕਾ ਨੇ ਕੈਨੇਡਾ ਦੀ ਦੋਵੇਂ ਮੁਲਕਾਂ ਵਿਚਕਾਰ ਗੈਰ ਜ਼ਰੂਰੀ ਯਾਤਰਾ ਉੱਤੇ ਲੱਗੀ ਪਾਬੰਦੀ ਨੂੰ 21 ਜੂਨ ਤੱਕ ਵਧਾਉਣ ਦੀ ਦਰਖਾਸਤ ਮੰਨ ਲਈ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੇ ਰੋਜ਼ਾਨਾ ਸੰਬੋਧਨ ਦੌਰਾਨ ਇਸ ਗੱਲ ਦੀ ਪੁਸ਼ਟੀ ਕੀਤੀ।
ਟਰੂਡੋ ਨੇ ਕਿਹਾ ਕਿ ਇਹ ਇੱਕ ਅਹਿਮ ਫ਼ੈਸਲਾ ਹੈ ਜਿਸ ਨਾਲ ਦੋਵੇਂ ਮੁਲਕਾਂ ਦੇ ਲੋਕਾਂ ਦੀ ਸੁਰੱਖਿਆ ਅਤੇ ਸਲਾਮਤੀ ਯਕੀਨੀ ਬਣਾਈ ਜਾ ਸਕੇਗੀ।
ਅਮਰੀਕਾ ਅਤੇ ਕੈਨੇਡਾ ਵਿਚਕਾਰ ਵਪਾਰ ਅਤੇ ਇਸੈਨਸ਼ਲ ਵਰਕਰਾਂ ਦੇ ਆਉਣ ਜਾਣ ਤੋਂ ਇਲਾਵਾ ਗੈਰ ਜ਼ਰੂਰੀ ਯਾਤਰਾ ਉੱਤੇ ਮੱਧ ਮਾਰਚ ਤੋਂ ਰੋਕ ਲਾਈ ਗਈ ਹੈ ਜਿਸ ਨੂੰ ਪਿਛਲੇ ਮਹੀਨੇ 30 ਦਿਨਾਂ ਲਈ ਵਧਾ ਦਿੱਤਾ ਗਿਆ ਸੀ।
ਦੋਵੇਂ ਦੇਸ਼ਾਂ ਦੇ ਅਧਿਕਾਰੀਆਂ ਨੇ ਇਸ ਫੈਸਲੇ ਨੂੰ ਕੋਵਿਡ-19 ਨੂੰ ਕਾਬੂ ਕਰਨ ਲਈ ਅਹਿਮ ਕਦਮ ਮੰਨਿਆ ਹੈ।
ਅਮਰੀਕਾ ਵਿੱਚ ਮੌਜੂਦਾ ਸਮੇਂ ਵਿੱਚ ਵਾਇਰਸ ਦੇ 1.5 ਮਿਲੀਅਨ ਮਾਮਲੇ ਮੌਜੂਦ ਹਨ ਜੋ ਕਿ ਦੁਨੀਆਂ ਭਰ ਵਿੱਚ ਕੁੱਲ ਮਾਮਲਿਆਂ ਦਾ 42% ਹਿੱਸਾ ਹੈ ਅਤੇ ਵੀਕੈਂਡ ਤੱਕ ਅਮਰੀਕਾ ਵਿੱਚ ਵਾਇਰਸ ਕਾਰਨ 90,000 ਵਿਅਕਤੀ ਦਮ ਤੋੜ ਚੁੱਕੇ ਸਨ।
