14.09C Vancouver 14.09C VancouverApr 26, 2021 10:20 PM -
ਵਾਈਟ ਹਾਊਸ ਪ੍ਰੈਸ ਸੈਕਰੇਟਰੀ ਜੈਨ ਸਾਕੀ ਨੇ ਕਿਹਾ ਹੈ ਕਿ ਅਮਰੀਕਾ ਵੱਲੋਂ ਆਪਣੀਆਂ ਐਸਟ੍ਰਾਜ਼ੈਨਕਾ ਕੋਵਿਡ-19 ਵੈਕਸੀਨ ਦੀਆਂ ਖੁਰਾਕਾਂ ਨੂੰ ਵੰਡਿਆ ਜਾਵੇਗਾ।
ਵਾਈਟ ਹਾਊਸ ਵੱਲੋਂ ਜਾਣਕਾਰੀ ਦਿੱਤੀ ਗਈ ਕਿ ਇਸ ਵੈਕਸੀਨ ਦੀ ਸਾਰੀ ਪਾਈਪਲਾਈਨ ਨੂੰ ਫੈਡਰਲ ਸੇਫਟੀ ਰੀਵਿਊ ਤੋਂ ਬਾਅਦ ਸ਼ੇਅਰ ਕੀਤਾ ਜਾਵੇਗਾ।
ਆਉਂਦੇ ਮਹੀਨਿਆਂ 'ਚ ਇਸ ਵੈਕਸੀਨ ਦੀਆਂ 60 ਮਿਲੀਅਨ ਖੁਰਾਕਾਂ ਐਕਸਪੋਰਟ ਲਈ ਉਪਲਬਧ ਹੋਣ ਦਾ ਅਨੁਮਾਨ ਹੈ।
ਇਸ ਦੇ ਨਾਲ ਬਾਈਡਨ ਪ੍ਰਸ਼ਾਸਨ ਦਾ ਬੀਤੇ ਮਹੀਨੇ ਮੈਕਸੀਕੋ ਅਤੇ ਕੈਨੇਡਾ ਨੂੰ ਇਸ ਵੈਕਸੀਨ ਦੀਆਂ 4 ਮਿਲੀਅਨ ਖੁਰਾਕਾਂ ਪ੍ਰਦਾਨ ਕਰਨ ਦਾ ਫੈਸਲਾ ਹੋਰ ਫੈਲਣ ਜਾ ਰਿਹਾ ਹੈ।
ਸਾਕੀ ਨੇ ਦੱਸਿਆ ਕਿ ਅਮਰੀਕਾ ਵੱਲੋਂ ਉਡੀਕ ਕੀਤੀ ਜਾ ਰਹੀ ਹੈ ਕਿ ਰੈਗੂਲੇਟਰਸ ਵੱਲੋਂ ਮਨਜ਼ੂਰੀ ਮਿਲ ਸਕੇ ਜਿਸ ਤੋਂ ਬਾਅਦ ਆਉਂਦੇ ਹਫ਼ਤਿਆਂ 'ਚ 10 ਮਿਲੀਅਨ ਖੁਰਾਕਾਂ ਦੀ ਵੰਢ ਕੀਤੀ ਜਾਵੇਗੀ।
ਬਾਕੀ ਦੀਆਂ 50 ਮਿਲੀਅਨ ਖੁਰਾਕਾਂ ਫਿਲਹਾਲ ਪ੍ਰੋਡਕਸ਼ਨ ਪ੍ਰੀਕਿਰਿਆ 'ਚ ਹਨ ਅਤੇ ਇਹਨਾਂ ਨੂੰ ਮਨਜ਼ੂਰੀ ਮਿਲਣ ਲਈ ਮਈ ਜਾਂ ਜੂਨ ਮਹੀਨੇ ਦੀ ਉਡੀਕ ਕਰਨੀ ਪੈ ਸਕਦੀ ਹੈ।
ਯਾਦ ਰਹੇ ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਅਮਰੀਕਾ ਨੂੰ ਉਮੀਦ ਹੈ ਕਿ ਕੈਨੇਡਾ ਨੂੰ ਹੋਰ ਵੈਕਸੀਨ ਖੁਰਾਕਾਂ ਪ੍ਰਦਾਨ ਕੀਤੀਆਂ ਜਾ ਸਕਣ।
