ਕੈਨੇਡੀਅਨ ਸ਼ਰਾਬ, ਡੇਅਰੀ ਤੇ ਮੋਟਰਸਾਈਕਲਾਂ ’ਤੇ ਅਮਰੀਕੀ ਰੋਕ 29 ਸਤੰਬਰ ਤੋਂ ਲਾਗੂ

ਕੈਨੇਡੀਅਨ ਸ਼ਰਾਬ, ਡੇਅਰੀ ਅਤੇ ਮੋਟਰਸਾਈਕਲ ਦੇ ਅਮਰੀਕਾ ਵਿਚ ਦਾਖ਼ਲ ਹੋਣ 'ਤੇ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਲਗਾਈ ਗਈ ਰੋਕ 29 ਸਤੰਬਰ ਯਾਨੀ ਮੰਗਲਵਾਰ ਨੂੰ ਲਾਗੂ ਹੋਣ ਜਾ ਰਹੀ ਹੈ। ਇਸ ਸੂਚੀ ਵਿਚ ਕੈਨੇਡਾ ਤੋਂ ਅਮਰੀਕਾ ਜਾਣ ਵਾਲੀ ਵਿਸਕੀ, ਬੀਅਰ, ਵਾਈਨ, ਵੋਡਕਾ, ਰਮ ਅਤੇ ਟਕੀਲਾ ਵਰਗੇ ਪ੍ਰੋ਼ਡਕਟਸ ਸ਼ਾਮਲ ਹਨ। ਕੈਨੇਡਾ ਦੇ ਵਪਾਰ ਕਮਿਸ਼ਨਰ ਸਰਵਿਸ ਦਫ਼ਤਰ ਅਨੁਸਾਰ ਸਾਲ 2023 ਵਿਚ ਲਗਭਗ $1.36 ਬਿਲੀਅਨ ਦੀ ਸ਼ਰਾਬ ਐਕਸਪੋਰਟ ਕੀਤੀ ਗਈ ਸੀ, ਜਿਸ ਦਾ 90 ਫੀਸਦੀ ਹਿੱਸਾ ਇਕੱਲੇ ਅਮਰੀਕਾ ਗਿਆ ਸੀ।

ਉਥੇ ਹੀ, ਡੇਅਰੀ ਵਪਾਰ ਨਾਲ ਜੁੜੇ ਮਾਮਲੇ ਵਿਚ ਮੁੱਖ ਤੌਰ 'ਤੇ whey protein ਅਤੇ ਪਨੀਰ ਬਣਾਉਣ ਦੀ ਪ੍ਰਕਿਰਿਆ ਨਾਲ ਜੁੜੇ ਹੋਰ ਉਪ-ਉਤਪਾਦ ਸ਼ਾਮਲ ਹਨ। ਸਾਲ 2024 ਵਿਚ ਕੈਨੇਡਾ ਨੇ ਅਮਰੀਕਾ ਨੂੰ $700 ਮਿਲੀਅਨ ਤੋਂ ਵੱਧ ਦੇ ਡੇਅਰੀ ਉਤਪਾਦ ਐਕਸਪੋਰਟ ਕੀਤੇ ਸਨ। ਟਰੰਪ ਵਲੋਂ 800cc ਤੋਂ ਵੱਧ ਇੰਜਣ ਸਮਰੱਥਾ ਵਾਲੇ ਕੈਨੇਡੀਅਨ ਮੋਟਰਸਾਈਕਲ ਦੇ ਨਾਲ-ਨਾਲ ਮੋਪਡ ਦੇ ਇੰਪੋਰਟਸ 'ਤੇ ਵੀ ਰੋਕ ਲਗਾਈ ਗਈ ਹੈ।

ਗੌਰਤਲਬ ਹੈ ਕਿ ਇਸ ਵਪਾਰ ਯੁੱਧ ਦੇ ਜਲਦੀ ਖਤਮ ਹੋਣ ਦੇ ਕੋਈ ਸੰਕੇਤ ਨਹੀਂ ਹਨ। ਹਾਲ ਹੀ ਵਿਚ ਅਮਰੀਕਾ ਦੇ ਵਪਾਰ ਪ੍ਰਤੀਨਿਧੀ ਜੈਮੀਸਨ ਗ੍ਰੀਰ ਨੇ ਕਿਹਾ ਸੀ ਕਿ ਅਮਰੀਕਾ ਨੂੰ ਕੈਨੇਡਾ ਨਾਲ ਟ੍ਰੇਡ ਡੀਲ ਦੀ ਕੋਈ ਕਾਹਲੀ ਨਹੀਂ ਹੈ।