13.92C Vancouver 13.92C VancouverDec 30, 2020 4:39 PM -
ਬ੍ਰਿਟੇਨ ਨੇ ਆਕਸਫੋਰਡ ਯੂਨੀਵਰਸਿਟੀ ਅਤੇ ਐਸਟਰਾਜ਼ੇਨੇਕਾ ਦੇ ਕੋਵਿਡ -19 ਤੋਂ ਬਚਾਅ ਲਈ ਤਿਆਰ ਗਏ ਟੀਕੇ ਨੂੰ ਬੁੱਧਵਾਰ ਨੂੰ ਮਨੁੱਖੀ ਵਰਤੋਂ ਲਈ ਮਨਜ਼ੂਰੀ ਦੇ ਦਿੱਤੀ ਹੈ।
‘ਮੈਡੀਸਨਜ਼ ਐਂਡ ਹੈਲਥਕੇਅਰ ਪ੍ਰੋਡਕਟਸ ਰੈਗੂਲੇਟਰੀ ਏਜੰਸੀ’ ਦੁਆਰਾ ਮਨਜ਼ੂਰੀ ਦਾ ਮਤਲਬ ਹੈ ਕਿ ਟੀਕਾ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਹੈ।
ਬ੍ਰਿਟੇਨ ਵੱਲੋਂ ਕੰਪਨੀ ਤੋਂ ਟੀਕਿਆਂ ਦੀਆਂ 100 ਮਿਲੀਅਨ ਖੁਰਾਕਾਂ ਖਰੀਦਿਆਂ ਗਈਆਂ ਹਨ ਅਤੇ ਟੀਕਾਕਰਣ ਦੀ ਸ਼ੁਰੂਆਤ 4 ਜਨਵਰੀ ਤੋਂ ਕਰ ਦਿੱਤੀ ਜਾਵੇਗੀ।
ਐਸਟਰਾਜ਼ੇਨੇਕਾ ਦੇ ਸੀ.ਈ.ਓ. ਪਾਸਕਲ ਸਵਾਰੋਹ ਮੁਤਾਬਕ ਇਹ ਇੱਕ ਮਹੱਤਵਪੂਰਨ ਕਦਮ ਹੈ ਜਿਸ ਨਾਲ ਯੂ.ਕੇ. ਦੇ ਕਈ ਮਿਲੀਅਨ ਲੋਕਾਂ ਨੂੰ ਵਾਇਰਸ ਤੋਂ ਸੁਰੱਖਿਅਤ ਰੱਖਿਆ ਜਾ ਸਕੇਗਾ।
ਜ਼ਿਕਰਯੋਗ ਹੈ ਕਿ ਇਸ ਵੈਕਸੀਨ ਦੇ ਘੱਟ ਕੀਮਤ, ਅਸਰਦਾਰ ਅਤੇ ਵਰਤਣ ਵਿੱਚ ਸੌਖਾ ਹੋਣ ਕਾਰਨ ਵੱਡੀ ਗਿਣਤੀ ਵਿਚ ਦੁਨੀਆਂ ਭਰ ਦੇ ਦੇਸ਼ ਇਸ ਉੱਤੇ ਨਿਰਭਰ ਕਰ ਰਹੇ ਹਨ।
ਇਸ ਟੀਕੇ ਨੂੰ ਕੰਪਨੀ ਵਲੋਂ ਬਿਨਾਂ ਮੁਨਾਫ਼ੇ ਦੇ ਉਪਲੱਭਦ ਕੀਤਾ ਜਾ ਰਿਹਾ ਹੈ।
