13.29C Vancouver 13.29C VancouverDec 2, 2020 4:33 PM -
ਯੂ.ਕੇ. ਕੋਵਿਡ-19 ਤੋਂ ਬਚਾਅ ਲਈ ਵੈਕਸੀਨ ਮਨਜ਼ੂਰ ਕਰਨ ਵਾਲਾ ਪਹਿਲਾ ਦੇਸ਼ ਬਣ ਗਿਆ ਹੈ।
ਬ੍ਰਿਟੇਨ ਦੇ ਅਧਿਕਾਰੀਆਂ ਨੇ ਅਮਰੀਕੀ ਕੰਪਨੀ ‘ਫਾਈਜ਼ਰ’ ਅਤੇ ਜਰਮਨ ਕੰਪਨੀ ‘ਬਾਇਓਐਨਟੈਕ’ ਨੂੰ ਵੈਕਸੀਨ ਨੂੰ ਐਮਰਜੈਂਸੀ ਵਰਤੋਂ ਲਈ ਉਪਲੱਬਧ ਕਰਵਾਉਣ ਵਾਸਤੇ ਹਰੀ ਝੰਡੀ ਦੇ ਦਿੱਤੀ ਹੈ।
ਯੂ.ਕੇ. ਵਿੱਚ ਦਵਾਈਆਂ ਲਈ ਲਾਇਸੰਸ ਮੁਹੱਈਆ ਕਰਵਾਉਂਦੀ ‘ਮੈਡੀਸਨਜ਼ ਐਂਡ ਹੈਲਥਕੇਅਰ ਪ੍ਰੋਡਕਟਸ ਰੈਗੂਲੇਟਰੀ ਏਜੰਸੀ’ ਮੁਤਾਬਕ ਕਲੀਨਿਕਲ ਟ੍ਰਾਇਲ ਦੇ ਨਤੀਜਿਆਂ ਤੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਹੈ ਕਿ ਇਹ ਵੈਕਸੀਨ 95 ਫ਼ੀਸਦੀ ਅਸਰਦਾਰ ਹੈ ਅਤੇ ਖਾਸ ਕਰ ਵੱਡੀ ਉਮਰ ਦੇ ਲੋਕਾਂ ਦੀ ਵਾਇਰਸ ਤੋਂ ਸੁਰੱਖਿਆ ਲਈ ਬੇਹੱਦ ਫਾਇਦੇਮੰਦ ਸਾਬਤ ਹੋਵੇਗਾ ਜਿਨ੍ਹਾਂ ਨੂੰ ਵਾਇਰਸ ਤੋਂ ਸਭ ਤੋਂ ਵੱਧ ਖ਼ਤਰਾ ਹੈ।
ਟੈਸਟਿੰਗ ਦੇ ਆਖ਼ਰੀ ਪੜਾਅ ਤਕ ਵੈਕਸੀਨ ਨੂੰ ਐਕਸਪੈਰੀਮੈਂਟਲ ਹੀ ਮੰਨਿਆ ਜਾਵੇਗਾ।
ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਉਤਸ਼ਾਹਤ ਹੁੰਦਿਆਂ ਦੱਸਿਆ ਕਿ ਯੂ.ਕੇ. ਭਰ ਵਿਚ ਵੈਕਸੀਨ ਅਗਲੇ ਹਫਤੇ ਮੁਹੱਈਆ ਕਰਵਾ ਦਿੱਤਾ ਜਾਵੇਗਾ।
