18.09C Vancouver 18.09C VancouverNov 15, 2021 9:34 PM - The Canadian Press
ਯੂ.ਕੇ. ਸਰਕਾਰ ਨੇ ਦੇਸ਼ 'ਚ ਅੱਤਵਾਦ ਦੇ ਖਤਰੇ ਸੰਬੰਧੀ ਸਾਵਧਾਨ ਕੀਤਾ ਹੈ।
ਇੱਕ ਧਮਾਕੇ ਤੋਂ ਬਾਅਦ ਦੇਸ਼ 'ਚ ਟੈਰਰ ਲੈਵਲ ਨੂੰ ਸਿਵੀਅਰ ਯਾਨੀ ਕਿ ਗੰਭੀਰ ਦੱਸਿਆ ਗਿਆ ਹੈ।
ਇਸ ਦਾ ਅਰਥ ਹੈ ਕਿ ਕਿਸੇ ਹਮਲੇ ਦੇ ਆਸਾਰ ਬੇਹੱਦ ਵੱਧ ਹਨ।
ਇਹ ਫੈਸਲਾ ਲਿਵਰਪੂਲ 'ਚ ਐਤਵਾਰ ਨੂੰ ਇੱਕ ਟੈਕਸੀ 'ਚ ਹੋਏ ਧਮਾਕੇ ਤੋਂ ਬਾਅਦ ਲਿਆ ਗਿਆ ਹੈ।
ਇਸ ਘਟਨਾ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਹੋਮ ਸੈਕਰੇਟਰੀ ਪ੍ਰੀਤੀ ਪਟੇਲ ਨੇ ਜਾਣਕਾਰੀ ਦਿੱਤੀ ਕਿ ਇੱਕ ਮਹੀਨੇ 'ਚ 2 ਹਮਲੇ ਹੋਣ ਕਾਰਨ ਟੈਰਰ ਥਰੈਟ ਲੈਵਲ 'ਚ ਵਾਧਾ ਕੀਤਾ ਗਿਆ ਹੈ।
ਬ੍ਰਿਟਿਸ਼ ਪੁਲਿਸ ਦਾ ਕਹਿਣਾ ਹੈ ਕਿ ਲਿਵਰਪੂਲ ਵਿਮੈਨਸ ਹਸਪਤਾਲ ਦੇ ਬਾਹਰ ਹੋਏ ਟੈਕਸੀ ਧਮਾਕੇ ਨੂੰ ਅੱਤਵਾਦੀ ਹਮਲਾ ਮੰਨਿਆ ਜਾ ਰਿਹਾ ਹੈ।
ਹਾਲਾਂਕਿ ਇਸ ਦੇ ਪਿੱਛੇ ਦਾ ਕਾਰਨ ਸਪਸ਼ਟ ਨਹੀਂ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਧਮਾਕੇ 'ਚ ਇੱਕ ਇੰਪਰੋਵਾਈਜਡ ਐਕਸਪਲੋਸਿਵ ਡਿਵਾਈਸ ਦੀ ਵਰਤੋਂ ਕੀਤੀ ਗਈ ਸੀ।
ਟੈਕਸੀ 'ਚ ਸਵਾਰ ਆਦਮੀ ਦੀ ਮੌਤ ਹੋ ਗਈ ਸੀ।
ਟੈਕਸੀ ਚਾਲਕ ਦੇ ਗੰਭੀਰ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਹਾਲਾਂਕਿ ਲਿਵਰਪੂਲ ਦੇ ਮੇਅਰ ਨੇ ਡਰਾਈਵਰ ਨੂੰ ਹੀਰੋ ਦੱਸਿਆ ਹੈ।
ਪ੍ਰਧਾਨ ਮੰਤਰੀ ਬੌਰੀਸ ਜੌਨਸਨ ਨੇ ਕਿਹਾ ਕਿ ਬ੍ਰਿਟਿਸ਼ ਲੋਕ ਕਦੀ ਅੱਤਵਾਦ ਸਾਹਮਣੇ ਝੁਕਣਗੇ ਨਹੀਂ।
