ਯੂਕਰੇਨ ਨੇ ਰੂਸ ਨਾਲ ਚੱਲ ਰਹੀ ਜੰਗ ਵਿਚਕਾਰ ਨਵੇਂ ਫੌਜ ਮੁਖੀ ਦੀ ਕੀਤੀ ਨਿਯੁਕਤੀ

ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਰੂਸ ਨਾਲ ਲਗਭਗ ਦੋ ਸਾਲ ਤੋਂ ਲੱਗੀ ਜੰਗ ਵਿਚਕਾਰ ਫੌਜੀ ਮੁਖੀ ਵੈਲੇਰੀ ਜ਼ਲੁਜ਼ਨੀ ਨੂੰ ਹਟਾ ਦਿੱਤਾ ਹੈ। ਉਨ੍ਹਾਂ ਦੀ ਜਗ੍ਹਾ ਜ਼ਮੀਨੀ ਤਾਕਤਾਂ ਦੇ 58 ਸਾਲਾ ਕਮਾਂਡਰ ਨੂੰ ਦਿੱਤੀ ਗਈ ਹੈ।

ਰਿਪੋਰਟਸ ਮੁਤਾਬਕ, ਜ਼ੇਲੇਨਸਕੀ ਨੇ 10 ਦਿਨ ਪਹਿਲਾਂ ਫੌਜੀ ਮੁਖੀ ਨੂੰ ਕਹਿ ਦਿੱਤਾ ਸੀ ਕਿ ਉਸ ਨੂੰ ਬਰਖਾਸਤ ਕੀਤਾ ਜਾ ਰਿਹਾ ਹੈ। ਰਾਸ਼ਟਰਪਤੀ ਜ਼ੇਲੇਨਸਕੀ ਨੇ ਸੋਸ਼ਲ ਮੀਡੀਆ ’ਤੇ ਇਕ ਬਿਆਨ ਵਿਚ ਕਿਹਾ ਕਿ ਉਨ੍ਹਾਂ ਨੇ ਜਨਰਲ ਨਾਲ ਮੁਲਾਕਾਤ ਕੀਤੀ ਅਤੇ ਦੋ ਸਾਲ ਯੂਕਰੇਨ ਦੀ ਰੱਖਿਆ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ।

ਰੱਖਿਆ ਮੰਤਰੀ ਨੇ ਕਿਹਾ ਕਿ ਜੰਗ ਇਕੋ-ਜਿਹੀ ਨਹੀਂ ਰਹਿੰਦੀ, ਲਿਹਾਜਾ ਉਸ ਹਿਸਾਬ ਨਾਲ ਤਬਦੀਲੀ ਵੀ ਕਰਨੀ ਪੈਂਦੀ ਹੈ, ਜੋ ਇਸੇ ਰਣਨੀਤੀ ਤਹਿਤ ਕੀਤੀ ਗਈ ਹੈ।

ਗੌਰਤਲਬ ਹੈ ਕਿ ਜ਼ੇਲੇਨਸਕੀ ਨੇ ਰੂਸ ਦੇ ਹਮਲੇ ਤੋਂ ਪਹਿਲਾਂ 2021 ਵਿਚ ਜਨਰਲ ਜ਼ਲੁਜ਼ਨੀ ਨੂੰ ਮਿਲਟਰੀ ਦਾ ਚੀਫ ਕਮਾਂਡਰ ਨਿਯੁਕਤ ਕੀਤਾ ਸੀ।