15.79C Vancouver 15.79C VancouverJan 10, 2020 6:47 PM -
ਯੂਕਰੇਨ ਦੀ ਨੈਸ਼ਨਲ ਸਿਕਯੋਰਿਟੀ ਕਾਉਂਸਲ (national security council) ਦੇ ਸਕੱਤਰ ਦਾ ਕਹਿਣਾ ਹੈ ਕਿ ਇਰਾਨ ਵਿੱਚ ਹਾਦਸਾਗ੍ਰਸਤ ਹੋਏ ਜਹਾਜ਼ ਦੇ ਮਾਮਲੇ ਵਿੱਚ 7 ਸੰਭਾਵਤ ਕਾਰਨਾਂ ਉੱਤੇ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ।
ਓਲੈਕਸੀ ਡੈਨਿਲੋਵ (Oleksiy Danilov) ਨੇ ਸਵਿਡਿਸ਼ (Swedish) ਪੱਤਰਕਾਰ ਨੂੰ ਦੱਸਿਆ ਕਿ ਯੂਕਰੇਨ ਦੇ ਮਾਹਰ ਤੇਹਰਾਨ ਦੇ ਨਜ਼ਦੀਕ ਉਸ ਜਗ੍ਹਾ ਤੇ ਕੰਮ ਕਰ ਰਹੇ ਹਨ ਜਿੱਥੇ ਜਹਾਜ਼ ਦੁਰਘਟਨਾਗ੍ਰਹਸਤ ਹੋਇਆ ਸੀ ਅਤੇ 176 ਯਾਤਰੀ ਮਾਰੇ ਗਏ ਸਨ।
ਮ੍ਰਿਤਕਾਂ ਵਿੱਚ 63 ਕੈਨੇਡੀਅਨ ਸ਼ਾਮਲ ਸਨ।
ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ (Justin Trudeau) ਅਤੇ ਪੱਛਮੀ ਦੇਸ਼ਾਂ ਦੇ ਰਾਜਨੀਤਕ ਆਗੂਆਂ ਦਾ ਕਹਿਣਾ ਹੈ ਕਿ ਇੰਝ ਪ੍ਰਤੀਤ ਹੁੰਦਾ ਹੈ ਕਿ, ਜਹਾਜ਼, ਤੇਹਰਾਨ ਦੇ ਨਜ਼ਦੀਕ ਤੋਂ ਚੱਲੀ ਇੱਕ ਸਰਫੇਸ-ਟੂ-ਏਅਰ ਮਿਸਾਇਲ (surface-to-air missile) ਕਾਰਨ ਦੁਰਘਟਨਾਗ੍ਰਹਸਤ ਹੋਇਆ, ਇਨ੍ਹਾਂ ਇਲਜ਼ਾਮਾਂ ਤੋਂ ਇਰਾਨ ਨੇ ਇਨਕਾਰ ਕੀਤਾ ਹੈ।
ਇਰਾਨ ਦੇ ਜਾਂਚਕਰਤਾਵਾਂ ਦੀ ਟੀਮ ਦੇ ਆਗੂ ਦਾ ਕਹਿਣਾ ਹੈ ਕਿ ਤੇਹਰਾਨ, ਡਾਟਾ (data) ਨਾਂ ਮਿਲਣ ਦੀ ਸੂਰਤ ਵਿੱਚ ਰੂਸ, ਯੂਕਰੇਨ, ਫਰਾਂਸ ਅਤੇ ਕੈਨੇਡਾ ਤੋਂ ਮਾਹਰਾਂ ਦੀ ਮਦਦ ਲਵੇਗਾ।
ਕੈਨੇਡਾ ਦੇ ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (Transportation Safety Board) ਦਾ ਕਹਿਣਾ ਹੈ ਕਿ ਉਨ੍ਹਾਂ ਵਲੋਂ ਜਾਂਚਕਰਤਾਵਾਂ ਨੂੰ ਤੇਹਰਾਨ ਭੇਜਣ ਦੇ ਬੰਦੋਬਸਤ ਕੀਤੇ ਜਾ ਰਹੇ ਹਨ।
