18.85C Vancouver 18.85C VancouverNov 20, 2024 5:20 PM - Connect Newsroom
ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਕਿਹਾ ਹੈ ਕਿ ਜੇ ਅਮਰੀਕਾ ਨੇ ਉਸ ਦੀ ਮਿਲਟਰੀ ਸਹਾਇਤਾ ਰੋਕ ਦਿੱਤੀ ਤਾਂ ਯੂਕਰੇਨ ਯੁੱਧ ਹਾਰ ਜਾਵੇਗਾ। ਉਨ੍ਹਾਂ ਇਹ ਟਿੱਪਣੀ ਟਰੰਪ ਵਲੋਂ ਸੰਭਾਵੀ ਫੰਡਿੰਗ ਰੋਕੇ ਜਾਣ ਦੇ ਸਦੰਰਭ ਵਿਚ ਕੀਤੀ।
ਡੋਨਲਡ ਟਰੰਪ ਨੇ ਚੋਣ ਰੈਲੀਆਂ ਵਿਚ ਵਾਅਦਾ ਕੀਤਾ ਹੈ ਕਿ ਅਮਰੀਕਾ ਯੁੱਧ ਵਿਚ ਆਪਣੀ ਸ਼ਮੂਲੀਅਤ ਸਮਾਪਤ ਕਰੇਗਾ ਅਤੇ ਟੈਕਸਦਾਤਾ ਦਾ ਪੈਸਾ ਅਮਰੀਕਾ ਦੀ ਜ਼ਿੰਦਗੀ ਬਿਹਤਰ ਬਣਾਉਣ ਲਈ ਖਰਚ ਕੀਤਾ ਜਾਵੇਗਾ।
ਮੌਜੂਦਾ ਸਮੇਂ ਯੂਕਰੇਨ ਜੰਗ ਵਿਚ ਟਿਕੇ ਰਹਿਣ ਅਮਰੀਕਾ ’ਤੇ ਜ਼ਿਆਦਾ ਨਿਰਭਰ ਹੈ। ਟਰੰਪ ਮੁਤਾਬਕ, ਉਹ 24 ਘੰਟਿਆਂ ਦੇ ਅੰਦਰ ਜੰਗ ਸਮਾਪਤ ਕਰਵਾ ਦੇਣਗੇ, ਹਾਲਾਂਕਿ ਉਨ੍ਹਾਂ ਇਹ ਖੁਲਾਸਾ ਨਹੀਂ ਕੀਤਾ ਕਿ ਇਸ ਲਈ ਉਹ ਕੀ ਕਰਨ ਵਾਲੇ ਹਨ ਪਰ ਰਾਸ਼ਟਰਪਤੀ ਜ਼ੇਲੇਨਸਕੀ ਨੇ ਖਦਸ਼ਾ ਜਤਾਇਆ ਹੈ ਕਿ ਜੇ ਟਰੰਪ ਫੰਡਿੰਗ ਬੰਦ ਕਰਦੇ ਹਨ ਤਾਂ ਇਸ ਨਾਲ ਯੂਕਰੇਨ ਦੀ ਹਾਰ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਇਹ ਯੂਰਪ ਵਿਚ ਸਾਡੀ ਏਕਤਾ ਲਈ ਵੀ ਬਹੁਤ ਖ਼ਤਰਨਾਕ ਹੋਵੇਗਾ।
ਗੌਰਤਲਬ ਹੈ ਕਿ ਕਈ ਰਿਪਬਲਿਕਨ ਚਾਹੁੰਦੇ ਹਨ ਕਿ ਯੂਕਰੇਨ ਲਈ ਅਮਰੀਕਾ ਦੇ ਟੈਕਸਦਾਤਾ ਵਲੋਂ ਦਿੱਤੀ ਜਾਂਦੀ ਫੰਡਿੰਗ ਬੰਦ ਕਰ ਦਿੱਤੀ ਜਾਵੇ।
