10.1C Vancouver 10.1C VancouverSep 9, 2022 10:29 PM - The Canadian Press
ਕੈਨੇਡਾ ਦੇ ਤਾਜਾ ਬੇਰੁਜਗਾਰੀ ਸੰਬੰਧੀ ਅੰਕੜੇ ਅਗਸਤ ਮਹੀਨੇ 'ਚ 40,000 ਨੁਕਾਰੀਆਂ ਦਾ ਨੁਕਸਾਨ ਦਰਸ਼ਾਉਂਦੇ ਹਨ।
ਜੁਲਾਈ ਮਹੀਨੇ 'ਚ ਦਰਜ ਕੀਤੀ ਗਈ 4.9% ਦੀ ਰਿਕਾਰਡ ਪੱਧਰ ਦੀ ਘਟ ਬੇਰੁਜਗਾਰੀ ਦਰ ਕਰੀਬ ਅੱਧੇ ਅੰਕ ਨਾਲ ਵਧ ਕੇ 5.4% ਤਕ ਪਹੁੰਚ ਗਈ ਹੈ।
ਹਾਲਾਂਕਿ ਬੀ.ਸੀ. 'ਚ ਬੇਰੁਜਗਾਰੀ ਸੰਬੰਧੀ ਅੰਕੜੇ 'ਚ ਬਹੁਤਾ ਫਰਕ ਨਹੀਂ ਪਿਆ ਹੈ।
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਬੀ.ਸੀ. 'ਚ ਅਗਸਤ ਮਹੀਨੇ 'ਚ ਬੇਰੁਜਗਾਰੀ ਦਰ 4.8% 'ਤੇ ਦਰਜ ਕੀਤੀ ਗਈ।
ਜੁਲਾਈ ਦੇ ਮਹੀਨੇ ਮੁਕਾਬਲੇ ਸੂਬੇ 'ਚ ਬੇਰੁਜਗਾਰੀ ਦਰ ਨੇ ਦਸਵੇਂ ਹਿੱਸੇ ਦੀ ਛਾਲ ਲਗਾਈ ਹੈ।
ਕਿਊਬੈਕ ਤੋਂ ਬਾਅਦ ਬੀ.ਸੀ. ਸਭ ਤੋਂ ਘਟ ਬੇਰੁਜਗਾਰੀ ਦਰ ਵਾਲਾ ਸੂਬਾ ਹੈ।
ਜੁਲਾਈ ਅਤੇ ਅਗਸਤ ਦੇ ਮਹੀਨੇ ਵਿਚਾਲੇ ਵੈਨਕੂਵਰ ਅਤੇ ਕੈਲੋਨਾ ਜਿਹੇ ਇਲਾਕਿਆਂ 'ਚ ਬੇਰੁਜਗਾਰੀ ਦਰ ਤਕਰੀਬਨ ਇੱਕੋ ਜਿਹੇ ਪੱਧਰ 'ਤੇ ਰਹੀ।
ਹਾਲਾਂਕਿ ਐਬਟਸਫੋਰਡ 'ਚ ਬੇਰੁਜਗਾਰੀ ਦਰ ਨੇ ਇੱਕ ਅੰਕ ਦੀ ਛਾਲ ਲਗਾਈ ਅਤੇ ਇਹ ਅੰਕੜਾ 5.8% 'ਤੇ ਦਰਜ ਕੀਤਾ ਗਿਆ।
ਵਿਕਟੋਰੀਆ 'ਚ ਅੱਧੇ ਅੰਕ ਦੇ ਵਾਧੇ ਨਾਲ ਬੇਰੁਜਗਾਰੀ ਦਰ 4.9% 'ਤੇ ਦਰਜ ਕੀਤੀ ਗਈ।
