25.87C Vancouver 25.87C VancouverMar 4, 2021 4:30 PM -
ਯੂਨੀਫੌਰ ਦੇ ਪ੍ਰੈਜ਼ੀਡੈਂਟ ਜੈਰੀ ਡਿਐਜ਼ ਦਾ ਕਹਿਣਾ ਹੈ ਕਿ ਏਅਰ ਕੈਨੇਡਾ ਨੇ ਉਨ੍ਹਾਂ ਸਾਰੇ ਮੁਸਾਫਰਾਂ ਦੇ ਪੈਸੇ ਵਾਪਸ ਕਰਨ ਦਾ ਵਾਅਦਾ ਕੀਤਾ ਹੈ ਜਿਨ੍ਹਾਂ ਦੀਆਂ ਉਡਾਣਾਂ ਕੋਵਿਡ-19 ਕਾਰਨ ਰੱਦ ਹੋ ਗਈਆਂ ਸਨ।
ਡਿਐਜ਼ ਅਨੁਸਾਰ ਏਅਰਲਾਈਨ ਨੇ ਫੈਡਰਲ ਸਰਕਾਰ ਨਾਲ ਆਰਥਿਕ ਸਹਿਯੋਗ ਬਾਰੇ ਹੋਈ ਗੱਲਬਾਤ ਦੌਰਾਨ ਵਾਰ ਵਾਰ ਇਹ ਵਚਨਬੱਧਤਾ ਦਿਖਾਈ ਹੈ।
ਉਨ੍ਹਾਂ ਕਿਹਾ ਕਿ ਕੱਲ੍ਹ ਰਾਤ ਉਨ੍ਹਾਂ ਨਾਲ ਬਾਤ ਚੀਤ ਦੌਰਾਨ ਏਅਰ ਕੈਨੇਡਾ ਦੇ ਸੀ.ਈ.ਓ. ਮਾਈਕਲ ਰੂਸੋ ਨੇ ਇਸ ਵਾਅਦੇ ਦੀ ਪੁਸ਼ਟੀ ਕੀਤੀ ਹੈ।
ਏਅਰ ਕੈਨੇਡਾ ਅਤੇ ਫਾਇਨਾਂਸ ਵਿਭਾਗ ਵੱਲੋਂ ਫਿਲਹਾਲ ਇਸ ਸਬੰਧ ਵਿਚ ਕੋਈ ਵੀ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਫੈਡਰਲ ਸਰਕਾਰ ਵੱਲੋਂ ਏਅਰਲਾਈਨ ਤੋਂ ਵਿੱਤੀ ਰਾਹਤ ਦੇ ਬਦਲੇ ਯਾਤਰੀਆਂ ਦੀਆਂ ਰੱਦ ਹੋਈਆਂ ਉਡਾਣਾਂ ਦੇ ਪੂਰੇ ਰਿਫੰਡ ਦੀ ਮੰਗ ਕੀਤੀ ਜਾਂਦੀ ਰਹੀ ਹੈ।
