14.37C Vancouver 14.37C VancouverMar 11, 2022 1:11 AM - Connect News
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਗੈਰਲਾਈਸੈਂਸੀ ਮਸਾਜ ਪ੍ਰੈਕਟੀਸ਼ਨਰ 'ਤੇ 2 ਕਲਾਈਂਟਸ 'ਤੇ ਜਿਨਸੀ ਹਮਲਾ ਕਰਨ ਦੇ ਦੋਸ਼ ਲੱਗੇ ਹਨ।
ਅਧਿਕਾਰੀਆਂ ਨੇ ਦੱਸਿਆ ਕਿ 2 ਔਰਤਾਂ ਨੇ ਹੈਪੀ ਫੀਟ ਮਸਾਜ ਦੀ ਲੋਕੇਸ਼ਨ 'ਤੇ 5 ਅਤੇ 6 ਫਰਵਰੀ ਨੂੰ ਜਿਨਸੀ ਹਮਲਾ ਵਾਪਰਨ ਦੀ ਰਿਪੋਰਟ ਕੀਤੀ ਸੀ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਨੇ ਦੱਸਿਆ ਕਿ ਮਸਾਜ ਪਾਰਲਰ ਦੇ ਮਾਲਕ ਸਾਰੀ ਜਾਂਚ ਦੌਰਾਨ ਸਹਿਯੋਗ ਕਰਦੇ ਰਹੇ ਸਨ।
ਇਸ ਮਾਮਲੇ 'ਚ 46 ਸਾਲਾ ਜੁਨ ਡੌਂਗ ਗਾਓ 'ਤੇ ਦੋਸ਼ ਲੱਗੇ ਹਨ।
ਪੁਲਿਸ ਅਨੁਸਾਰ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਜੇਮਸ ਅਤੇ ਜਿੰਮ ਦੇ ਨਾਮ ਤੋਂ ਵੀ ਜਾਣਿਆ ਜਾਂਦਾ ਹੈ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਕੁਝ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਹੈ।
ਪੁਲਿਸ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਜਾਂ ਕੋਈ ਹੋਰ ਪੀੜਤ ਹੋਣ ਤਾਂ ਉਹ ਵੀ ਸਾਹਮਣੇ ਆਉਣ।
