ਐਲਬਰਟਾ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਨੇ ਲੈਥਬ੍ਰਿਜ-ਵੈਸਟ ਜ਼ਿਮਨੀ ਚੋਣ ਵਿਚ ਜਿੱਤ ਕੀਤੀ ਹਾਸਿਲ

ਐਲਬਰਟਾ ਦੀ ਵਿਰੋਧੀ ਧਿਰ ਨਿਊ ਡੈਮੋਕ੍ਰੇਟਿਕ ਪਾਰਟੀ ਨੇ ਲੈਥਬ੍ਰਿਜ-ਵੈਸਟ ਵਿਚ ਹੋਈ ਜ਼ਿਮਨੀ ਚੋਣ ਵਿਚ ਸ਼ਾਨਦਾਰ ਜਿੱਤ ਹਾਸਿਲ ਕੀਤੀ ਹੈ। ਇਸ ਰਾਈਡਿੰਗ ’ਤੇ 2015 ਤੋਂ ਇਸੇ ਪਾਰਟੀ ਦਾ ਅਧਿਕਾਰ ਰਿਹਾ ਹੈ। ਬੁੱਧਵਾਰ ਦੇਰ ਰਾਤ ਇਲੈਕਸ਼ਨ ਐਲਬਰਟਾ ਦੀ ਵੈੱਬਸਾਈਟ ’ਤੇ ਦੱਸਿਆ ਗਿਆ ਕਿ ਐਨ.ਡੀ.ਪੀ. ਉਮੀਦਵਾਰ ਰੌਬ ਮੀਆਸ਼ਿਰੋ ਨੇ 7,239 ਵੋਟਾਂ ਨਾਲ ਜਿੱਤ ਦਰਜ ਕੀਤੀ ਹੈ। ਉਨ੍ਹਾਂ ਨੇ 57 ਫੀਸਦੀ ਵੋਟਾਂ ਹਾਸਿਲ ਕੀਤੀਆਂ।

ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਦੇ ਜੌਨ ਮਿਡਲਟਨ-ਹੋਪ ਨੇ 1,150 ਵੋਟਾਂ ਹਾਸਿਲ ਕੀਤੀਆਂ ਜਦਕਿ ਐਲਬਰਟਾ ਪਾਰਟੀ ਦੇ ਲੇਟਨ ਵੇਵਰਕਾ ਨੂੰ ਸਿਰਫ 233 ਵੋਟਾਂ ਹਾਸਿਲ ਹੋਈਆਂ।

ਦੱਸ ਦੇਈਏ ਕਿ ਨਿਊ ਡੈਮੋਕਰੇਟ ਦੀ ਵਿਧਾਇਕ ਸ਼ੈਨਨ ਫਿਲਿਪਸ ਨੇ 1 ਜੁਲਾਈ ਨੂੰ ਇੱਥੋਂ ਅਸਤੀਫਾ ਦਿੱਤਾ ਸੀ ਅਤੇ ਇਹ ਸੀਟ ਕਈ ਮਹੀਨੇ ਖਾਲੀ ਰਹੀ ਹੈ। ਨਾਹੀਦ ਨੈਨਸ਼ੀ ਦੀ ਲੀਡਰਸ਼ਿਪ ਵਿਚ ਪਹਿਲੀ ਵਾਰ ਐਨ.ਡੀ.ਪੀ. ਨੇ ਇਹ ਚੋਣ ਲੜੀ ਹੈ।