ਯੂ.ਐਸ-ਬ੍ਰਿਟੇਨ ਨੇ ਯਮਨ ਵਿੱਚ ਹੂਤੀ ਵਿਰੁੱਧ ਹਮਲੇ ਸ਼ੁਰੂ ਕੀਤੇ

ਅਮਰੀਕਾ ਅਤੇ ਬ੍ਰਿਟੇਨ ਵੱਲੋਂ ਯਮਨ ’ਤੇ ਕੀਤੇ ਗਏ ਹਵਾਈ ਹਮਲਿਆਂ ਦੀ ਯਮਨ ਦੇ ਹੂਤੀ ਅੰਦੋਲਨ ਦੇ ਨੇਤਾਵਾਂ ਵਲੋਂ ਆਲੋਚਨਾ ਕੀਤੀ ਗਈ ਹੈ।

ਹੂਤੀ ਸਮਰਥਿਤ ਇਕ ਵੈੱਬਸਾਈਟ ’ਤੇ ਪ੍ਰਕਾਸ਼ਿਤ ਰਿਪੋਰਟ ਮੁਤਾਬਕ ਹਮਲਿਆਂ ਵਿਚ ਯਮਨ ਦੀ ਰਾਜਧਾਨੀ ਸਨਾ, ਤੱਟਵਰਤੀ ਸੂਬੇ ਅਲ-ਹੁਦਾਇਦਾ, ਉੱਤਰੀ ਸੂਬੇ ਸਾਦਾ, ਹੱਜਾ, ਧਮਾਰ ਅਤੇ ਤਾਏਜ਼ ’ਤੇ ਬੰਬ ਸੁੱਟੇ ਗਏ ਹਨ।

ਰਿਪੋਰਟ ਮੁਤਾਬਿਕ ਹਮਲਿਆ ਵਿਚ ਡਿਲਮੀ ਏਅਰ ਬੇਸ ਤੋਂ ਇਲਾਵਾ ਹੁਦੈਦਾ ਅਤੇ ਹੱਜਾਹ ਦੇ ਏਅਰਪੋਰਟਸ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ।

ਅੱਜ ਸਵੇਰੇ ਹੂਤੀ ਲੜਾਕਿਆਂ ਦੇ ਇਕ ਗੁਟ ਵਲੋਂ ਅਲ-ਮਾਸਰਿਹਾ ਟੀਵੀ ਪ੍ਰਸਾਰਣ ਵਿਚ ਉਨ੍ਹਾਂ ਦੇ ਬੁਲਾਰੇ ਯਾਹਿਆ ਯਾਹਾ ਸਾਰੇਆ ਦਾ ਬਿਆਨ ਜਾਰੀ ਕੀਤਾ ਗਿਆ ਸੀ। ਇਹ ਬਿਆਨ ਐਕਸ ’ਤੇ ਵੀ ਪੋਸਟ ਕੀਤਾ ਗਿਆ ਹੈ।