16.21C Vancouver 16.21C VancouverMay 12, 2025 5:06 PM - Connect Newsroom
ਅਮਰੀਕਾ ਅਤੇ ਚੀਨ ਨੇ ਇਕ ਦੂਜੇ ’ਤੇ ਟੈਰਿਫ ਘਟਾ ਦਿੱਤਾ ਹੈ ਅਤੇ ਇਕ-ਦੂਜੇ ’ਤੇ ਲਗਾਏ ਗਏ ਵਾਧੂ ਟੈਰਿਫ ਵਿਚੋਂ ਜ਼ਿਆਦਾਤਰ ’ਤੇ 90 ਦਿਨਾਂ ਦੀ ਰੋਕ ਲਗਾਉਣ ਲਈ ਸਹਿਮਤ ਹੋਏ ਹਨ। ਅਮਰੀਕਾ ਨੇ ਚੀਨ ਦੇ ਸਮਾਨ ’ਤੇ 145 ਫ਼ੀਸਦ ਟੈਰਿਫ ਨੂੰ ਘਟਾ ਕੇ 30 ਫ਼ੀਸਦ ਕਰਨ ਜਦਕਿ ਚੀਨ ਨੇ ਅਮਰੀਕੀ ਵਸਤਾਂ ’ਤੇ ਟੈਕਸ ਘਟਾ ਕੇ 10 ਫ਼ੀਸਦ ਕਰਨ ’ਤੇ ਸਹਿਮਤੀ ਜਤਾਈ ਹੈ।
ਦੋਹਾਂ ਮੁਲਕਾਂ ਦੇ ਅਧਿਕਾਰੀਆਂ ਨੇ ਜਿਨੀਵਾ ਵਿਚ ਪ੍ਰੈੱਸ ਕਾਨਫਰੰਸ ਕਰਕੇ ਟੈਰਿਫ ਵਿਚ ਕਟੌਤੀ ਕਰਨ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਦੋਵੇਂ ਮੁਲਕਾਂ ਨੇ ਆਪਣੇ ਵਪਾਰਕ ਮੁੱਦਿਆਂ ’ਤੇ ਚਰਚਾ ਜਾਰੀ ਰੱਖਣ ਦੀ ਰੂਪ-ਰੇਖਾ ਤਿਆਰ ਕੀਤੀ ਹੈ।
ਚੀਨ ਨੇ ਆਸ ਜਤਾਈ ਕਿ ਅਮਰੀਕਾ ਇਕਪਾਸੜ ਟੈਰਿਫ ਵਿਚ ਵਾਧਾ ਨਹੀਂ ਕਰੇਗਾ। ਦੋਹਾਂ ਵੱਡੀਆਂ ਆਰਥਿਕ ਸ਼ਕਤੀਆਂ ਵਿਚਕਾਰ ਟੈਰਿਫ ਯੁੱਧ ਘੱਟ ਹੋਣ ਨਾਲ ਅੱਜ ਦੁਨੀਆ ਭਰ ਦੇ ਸ਼ੇਅਰਾਂ ਬਾਜ਼ਾਰਾਂ ਵਿਚ ਵੱਡੀ ਤੇਜ਼ੀ ਦੇਖੀ ਗਈ।
