17.3C Vancouver 17.3C VancouverJun 24, 2022 12:48 AM - The Canadian Press
ਤੈਰਾਕੀ ਦੀ ਵਿਸ਼ਵ ਚੈਂਪੀਅਨਸ਼ਿਪ ਦੌਰਾਨ ਇੱਕ ਵੱਡਾ ਹਾਦਸਾ ਟਲ ਗਿਆ।
ਅਮਰੀਕਾ ਦੀ ਕੋਚ ਦੀ ਫੁਰਤੀ ਅਤੇ ਸੂਝਬੂਝ ਕਾਰਨ ਇੱਕ ਤੈਰਾਕ ਦੀ ਜਾਨ ਬਚ ਗਈ।
ਮਾਮਲਾ ਆਰਟਿਸਟਿਕ ਤੈਰਾਕ ਅਨੀਤਾ ਐਲਵਰੇਜ ਨਾਲ ਸੰਬੰਧਤ ਹੈ।
ਅਮਰੀਕਾ ਦੀ ਕੋਚ ਆਂਡਰਿਆ ਫੁਐਂਟਸ ਨੇ ਵੇਖਿਆ ਕਿ ਇੱਕ ਆਰਟਿਸਟਿਕ ਤੈਰਾਕ ਅਚਾਨਕ ਹਿੱਲਜੁੱਲ ਕਰਨ ਤੋਂ ਰੁਕ ਗਈ ਸੀ ਅਤੇ ਇਹ ਤੈਰਾਕ ਪਾਣੀ ਹੇਠ ਅਨਰਿਸਪਾਂਸੀਵ (unresponsive) ਹਾਲਤ 'ਚ ਵਿਖਾਈ ਦਿੱਤੀ।
ਮਾਮਲਾ ਬੁੱਧਵਾਰ ਦਾ ਹੈ ਅਤੇ ਉਸ ਮੌਕੇ ਤੈਰਾਕ 'ਸੋਲੋ ਫਰੀ ਰੂਟੀਨ' ਕਰ ਰਹੀ ਸੀ।
ਤੈਰਾਕ ਦੀ ਹਾਲਤ ਵੇਖ ਕੋਚ ਨੇ ਬਿਨਾ ਦੇਰ ਕੀਤੀਆਂ ਪਾਣੀ 'ਚ ਛਾਲ ਮਾਰ ਦਿੱਤੀ ਅਤੇ ਪਾਣੀ ਹੇਠੋਂ ਤੈਰਾਕ ਨੂੰ ਫੜ੍ਹ ਕੇ ਉੱਪਰ ਲਿਆਂਦਾ।
ਇਸ ਤੋਂ ਬਾਅਦ ਇੱਕ ਹੋਰ ਵਿਅਕਤੀ ਨੇ ਕੋਚ ਦੇ ਨਾਲ ਮਿਲ ਕੇ ਤੈਰਾਕ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਿਆ।
ਇਹ ਐਲਵਰੇਜ ਦਾ ਕੋਈ ਪਹਿਲਾ ਸਵਿਮਿੰਗ ਕੰਪੀਟੀਸ਼ਨ ਨਹੀਂ ਸੀ ਬਲਕਿ ਉਹ 2 ਵਾਰ ਦੀ ਓਲੰਪੀਅਨ ਤੈਰਾਕ ਹੈ।
ਬਾਅਦ 'ਚ ਸਪਸ਼ਟ ਹੋਇਆ ਕਿ ਪਾਣੀ ਹੇਠ ਇਹ ਤੈਰਾਕ ਬੇਹੋਸ਼ ਹੋ ਗਈ ਸੀ।
ਘਟਨਾ ਤੋਂ ਬਾਅਦ ਯੂ.ਐਸ. ਆਰਟਿਸਟਿਕ ਸਵਿਮਿੰਗ ਨੇ ਜਾਣਕਾਰੀ ਜਾਰੀ ਕੀਤੀ ਕਿ ਹੁਣ ਐਲਵਰੇਜ ਦੇ ਹਾਲਤ ਬਿਹਤਰ ਹੈ।
