ਅਮਰੀਕਾ ਦੀ ਸੰਸਦ ਨੇ ਟਰੰਪ ਦੇ ਟੈਕਸ ਕਟੌਤੀ ਅਤੇ ਵੱਡੇ ਖਰਚ ਵਾਲੇ ਬਿੱਲ ਨੂੰ ਦਿੱਤੀ ਮਨਜ਼ੂਰੀ

ਅਮਰੀਕਾ ਦੀ ਸੰਸਦ ਨੇ ਟਰੰਪ ਦੇ ਟੈਕਸ ਕਟੌਤੀ ਅਤੇ ਵੱਡੇ ਖਰਚ ਵਾਲੇ ਬਿੱਲ ਨੂੰ ਅੱਜ ਮਨਜ਼ੂਰੀ ਦੇ ਦਿੱਤੀ। ਇਸ ਨਾਲ ਅਮਰੀਕਾ 'ਤੇ ਮੌਜੂਦਾ $36 ਟ੍ਰਿਲੀਅਨ ਦੇ ਕਰਜ਼ ਵਿਚ ਅਗਲੇ 10 ਸਾਲਾਂ ਵਿਚ ਲਗਭਗ $4 ਟ੍ਰਿਲੀਅਨ ਦਾ ਹੋਰ ਇਜ਼ਾਫਾ ਹੋਵੇਗਾ।

ਇਸ ਬਿੱਲ ਵਿਚ ਟਰੰਪ ਦੇ ਕਈ ਚੁਣਾਵੀ ਵਾਅਦੇ ਸ਼ਾਮਲ ਹਨ, ਜਿਵੇਂ ਕਿ 2017 ਵਿਚ ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਟੈਕਸ ਵਿਚ ਦਿੱਤੀ ਗਈ ਛੋਟ ਨੂੰ ਵਾਧਾ ਕੀਤਾ ਜਾ ਰਿਹਾ ਹੈ ਅਤੇ ਓਵਰਟਾਈਮ ਤਨਖਾਹ 'ਤੇ ਟੈਕਸ ਨੂੰ ਖਤਮ ਕਰ ਦਿੱਤਾ ਜਾਵੇਗਾ।

ਇਸ ਤੋਂ ਇਲਾਵਾ ਬਿੱਲ ਵਿਚ ਸਰਹੱਦੀ ਸੁਰੱਖਿਆ ਲਈ ਅਰਬਾਂ ਡਾਲਰ ਖ਼ਰਚ ਕੀਤੇ ਜਾਣ ਦੀ ਵਿਵਸਥਾ ਕੀਤੀ ਗਈ ਹੈ ਤਾਂ ਜੋ ਦੇਸ਼ ਨਿਕਾਲੇ 'ਤੇ ਵੱਡੀ ਕਾਰਵਾਈ ਕੀਤੀ ਜਾ ਸਕੇ। ਇਸ ਦੀ ਫੰਡਿੰਗ ਲਈ ਗ੍ਰੀਨ ਐਨਰਜੀ ਪ੍ਰੋਤਸਾਹਨ ਵਿਚ ਕਟੌਤੀ ਕੀਤੀ ਜਾਵੇਗੀ।