16.9C Vancouver 16.9C VancouverJul 29, 2021 10:11 AM -
ਭਾਰਤ ਦੇ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ (ਈਏਐੱਮ) ਐੱਸ ਜੈਸ਼ੰਕਰ ਨੇ ਅੱਜ ਵੀਰਵਾਰ ਨੂੰ ਰਾਜ ਸਭਾ ਵਿੱਚ ਜਾਣਕਾਰੀ ਦਿੰਦਿਆਂ ਆਖਿਆ ਕਿ ਉਨ੍ਹਾਂ ਨੇ ਅਮਰੀਕਾ ਦੇ ਸਟੇਟ ਸਕੱਤਰ ਐਂਟਨੀ ਬਲਿੰਕਨ ਨਾਲ ਅਫ਼ਗ਼ਾਨਿਸਤਾਨ ਦੇ ਮੌਜੂਦਾ ਹਾਲਾਤ 'ਤੇ ਵਿਸਥਾਰ ਨਾਲ ਗੱਲ-ਬਾਤ ਕੀਤੀ ਹੈ ਅਤੇ ਦੋਵੇਂ ਇਸ ਗੱਲ 'ਤੇ ਸਹਿਮਤ ਹਨ ਕਿ ਜੰਗ ਛਿੜੇ ਇਸ ਮੁਲਕ ਵਿੱਚ ਤਾਕਤ ਦੇ ਇਸਤੇਮਾਲ ਨਾਲ ਕੋਈ ਹੱਲ ਨਹੀਂ ਨਿਕਲ ਸਕਦਾ।
ਉਤਲੇ ਏਵਾਨ ਨੂੰ ਸੰਬੋਧਨ ਕਰਦਿਆਂ, ਮੰਤਰੀ ਨੇ ਆਖਿਆ,"ਅਸੀਂ (ਭਾਰਤੀ ਲੀਡਰਸ਼ਿਪ), ਇਸ ਗੱਲ ਨੂੰ ਚੁੱਕਿਆ ਕਿ ਗਲੋਬਲ ਮੁੱਦਿਆਂ ਵੱਲ ਸਾਡਾ ਨਜ਼ਰੀਆ ਹਮੇਸ਼ਾ ਸਹੀ ਸਹਿਯੋਗ ਤੋਂ ਸੇਧ ਲੈਂਦਾ ਰਿਹਾ ਹੈ ਪਰ ਅਸੀਂ ਇਤਿਹਾਸਕ ਗਲਤੀਆਂ ਨੂੰ ਸਹੀ ਕਰਨਾ ਚਾਹੁੰਦੇ ਹਾਂ। ਜਦੋਂ ਆਜ਼ਾਦੀ ਦੀ ਗੱਲ ਆਉਂਦੀ ਹੈ, ਤਾਂ ਸਾਨੂੰ ਇਸਨੂੰ ਗ਼ੈਰ-ਨਿਜ਼ਾਮਿਕ ਜਾਂ ਜ਼ਿੰਮੇਵਾਰੀਆਂ ਤੋਂ ਭੱਜਣ ਦੀ ਤਰਾਂ ਨਹੀਂ ਵੇਖਣਾ ਚਾਹੀਦਾ। ਇਸ ਮੁੱਦੇ 'ਤੇ ਸਾਡੀ ਗੱਲ-ਬਾਤ ਸੰਤੁਲਿਤ ਹੋਣੀ ਚਾਹੀਦੀ ਹੈ।"
ਅਫ਼ਗ਼ਾਨਿਸਤਾਨ ਵਿਚਲੇ ਮੌਜੂਦਾ ਹਾਲਾਤ 'ਤੇ ਈਏਐੱਮ, ਜੈਸ਼ੰਕਰ ਨੇ ਆਖਿਆ,"ਅਫ਼ਗ਼ਾਨਿਸਤਾਨ ਵਿੱਚ ਫ਼ੌਜੀ ਹੱਲ ਨਹੀਂ ਹੋ ਸਕਦਾ, ਉੱਥੇ ਤਾਕਤ ਨਾਲ ਕਬਜ਼ਾ ਨਹੀਂ ਕੀਤਾ ਜਾ ਸਕਦਾ। ਅਸੀਂ ਇਹ ਯਕੀਨੀ ਕਰਨ ਲਈ ਕਿ ਪ੍ਰਬੰਧ ਕਰਨ ਲਈ ਸਿਆਸੀ ਗੱਲਬਾਤ ਗੰਭੀਰਤਾ ਨਾਲ ਚੱਲ ਰਹੀ ਹੈ, ਕੌਮਾਂਤਰੀ ਭਾਈਚਾਰੇ ਨਾਲ ਕੰਮ ਕਰਾਂਗੇ ਅਤੇ ਅਸੀਂ ਅਜਿਹੇ ਹੱਲ ਨੂੰ ਬਿਲਕੁਲ ਨਹੀਂ ਮੰਨਾਂਗੇ, ਜੋ ਤਾਕਤ ਨਾਲ ਕੱਢਿਆ ਜਾਵੇ।"
ਜ਼ਿਕਰਯੋਗ ਹੈ ਕਿ ਆਪਣੇ ਦੋ ਦਿਨਾਂ ਦੇ ਭਾਰਤ ਦੌਰੇ ਦੌਰਾਨ, ਬਲਿੰਕਨ ਨੇ ਅਫ਼ਗ਼ਾਨਿਸਤਾਨ, ਇੰਡੋ-ਪੈਸਿਫ਼ਿਕ ਅਤੇ ਕੋਵਿਡ-19 ਸਹਿਯੋਗ ਸਣੇ, ਕਈ ਦੁਵੱਲੇ ਅਤੇ ਧਾਰਮਿਕ ਮੁੱਦਿਆਂ 'ਤੇ ਚਰਚਾ ਕੀਤੀ।
ਬਲਿੰਕਨ ਦੇ ਦੌਰੇ ਦੌਰਾਨ ਜੈਸ਼ੰਕਰ ਨੇ ਆਖਿਆ ਕਿ ਉਨ੍ਹਾਂ ਅਮਰੀਕਾ ਦੇ ਸਟੇਟ ਸਕੱਤਰ ਨਾਲ ਸਾਂਝੇ ਤੌਰ 'ਤੇ ਕੀਤੀ ਗਈ ਪ੍ਰੈਸਰ 'ਚ ਭਾਰਤ ਦੇ ਹਾਲਾਤ ਬਾਰੇ ਗੱਲ ਕੀਤੀ,"ਅਸੀਂ ਇਸ ਗੱਲ 'ਤੇ ਬਿਲਕੁਲ ਸਾਫ਼ ਹਾਂ ਕਿ ਅਫ਼ਗ਼ਾਨਿਸਤਾਨ ਵਿੱਚ ਸਿਆਸੀ ਪ੍ਰਬੰਧ ਦੇ ਹੱਲ ਲਈ ਗੱਲਬਾਤ ਬਹੁਤ ਲਾਜ਼ਮੀ ਹੈ।"
"ਅਸੀਂ (ਈਏਐੱਮ ਅਤੇ ਅਮਰੀਕਾ ਦੇ ਸਟੇਟ ਸਕੱਤਰ) ਅਫ਼ਗ਼ਾਨਿਸਤਾਨ 'ਤੇ ਤਫ਼ਸੀਲ ਨਾਲ ਗੱਲ ਕੀਤੀ ਹੈ। ਮੈਂ ਯੂਐੱਸ ਦੇ ਸਟੇਟ ਸਕੱਤਰ ਦੇ ਦੌਰੇ ਦੌਰਾਨ ਕੀਤੀ ਗਈ ਸਾਂਝੀ ਪ੍ਰੈਸ ਕਾਨਫਰੈਂਸ ਵੇਲੇ ਸਾਡੇ ਹਾਲਾਤ ਦੱਸੇ ਹਨ। ਅਸੀਂ ਇਸ ਗੱਲ 'ਤੇ ਬਿਲਕੁਲ ਸਪਸ਼ਟ ਹਾਂ ਕਿ ਅਫ਼ਗ਼ਾਨਿਸਤਾਨ ਵਿੱਚ ਸਿਆਸੀ ਹੱਲ, ਗੱਲਬਾਤ ਨਾਲ ਹੀ ਹੋਣਾ ਚਾਹੀਦਾ ਹੈ।"
ਮੰਤਰੀ ਨੇ ਅੱਗੇ ਆਖਿਆ ਕਿ 'ਇਸ ਮੁੱਦੇ 'ਤੇ ਸਾਡੇ (ਭਾਰਤ ਅਤੇ ਅਮਰੀਕਾ) ਮਤ ਬਹੁਤ ਮਜ਼ਬੂਤੀ ਨਾਲ ਅਭੇਦ ਸਨ'।
ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ,ਬੁੱਧਵਾਰ ਨੂੰ ਜੈਸ਼ੰਕਰ ਨੇ ਅਫ਼ਗ਼ਾਨਿਸਤਾਨ ਵਿੱਚ ਸ਼ਾਂਤੀ ਵਾਰਤਾ ਦੀ ਅਹਿਮੀਅਤ 'ਤੇ ਜ਼ੋਰ ਦਿੱਤਾ ਸੀ ਅਤੇ ਜੰਗ ਛਿੜੇ ਮੁਲਕ ਵਿੱਚ, ਬੀਤੇ ਦੋ ਦਹਾਕਿਆਂ ਦੌਰਾਨ ਹੋਏ ਨਫ਼ਿਆਂ ਨੂੰ ਸਾਂਭਣ ਦੇ ਨਾਲ-ਨਾਲ, ਇੱਕਤਰਫ਼ਾ ਫ਼ੈਸਲਾ ਥੱਪਣ ਦੇ ਖ਼ਿਲਾਫ਼ ਵੀ ਗੱਲ ਕੀਤੀ ਸੀ।
ਗ਼ੌਰਤਲਬ ਹੈ ਕਿ ਬਲਿੰਕਨ ਨਾਲ ਸਾਂਝੇ ਪ੍ਰੈੱਸਰ ਦੌਰਾਨ, ਜੈਸ਼ੰਕਰ ਨੇ ਆਖਿਆ ਸੀ,"ਅਫ਼ਗ਼ਾਨ ਦੇ ਆਮ ਨਾਗਰਿਕਾਂ ਨੂੰ ਬੀਤੇ ਦੋ ਦਹਾਕਿਆਂ ਦੌਰਾਨ ਹੋਏ ਨਫ਼ੇ, ਖ਼ਾਸਕਰ ਔਰਤਾਂ ਦੇ ਹਕੂਕ, ਘੱਟ-ਗਿਣਤੀਆਂ ਅਤੇ ਸਮਾਜਿਕ ਆਜ਼ਾਦੀ -- ਪ੍ਰਤੱਖ ਹਨ। ਅਫ਼ਗ਼ਾਨਿਸਤਾਨ ਨਾ ਤਾਂ ਅੱਤਵਾਦ ਦਾ ਘਰ ਬਣਨਾ ਚਾਹੀਦਾ ਹੈ ਅਤੇ ਨਾ ਹੀ ਰਿਫਿਊਜ਼ੀਆਂ ਦਾ ਸਰੋਤ ਬਣਨਾ ਚਾਹੀਦਾ ਹੈ।"
