19.56C Vancouver 19.56C VancouverJun 18, 2025 5:26 PM - Connect Newsroom
ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਖਾਮੇਨਈ ਨੇ ਬੁੱਧਵਾਰ ਨੂੰ ਇੱਕ ਸੰਦੇਸ਼ ਵਿਚ ਕਿਹਾ ਕਿ ਅਮਰੀਕਾ ਸੁਣ ਲਵੇ ਅਸੀਂ ਆਤਮ ਸਮਰਪਣ ਨਹੀਂ ਕਰਾਂਗੇ। ਖਾਮੇਨਈ ਨੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੂੰ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜੇਕਰ ਅਮਰੀਕੀ ਫੌਜ ਨੇ ਇਜ਼ਰਾਇਲ ਨਾਲ ਮਿਲ ਕੇ ਈਰਾਨ ਖਿਲਾਫ਼ ਜੰਗ ਵਿਚ ਦਖਲ ਦਿੱਤਾ ਤਾਂ ਅੰਜਾਮ ਬੁਰਾ ਹੋਵੇਗਾ।
ਖਾਮੇਨਈ ਦਾ ਇਹ ਮੈਸੇਜ ਈਰਾਨ ਦੇ ਨੈਸ਼ਨਲ ਟੀਵੀ 'ਤੇ ਪੜ੍ਹਿਆ ਗਿਆ, ਸੁਪਰੀਮ ਲੀਡਰ ਨੇ ਕਿਹਾ ਕਿ ਜੋ ਲੋਕ ਈਰਾਨ ਦਾ ਇਤਿਹਾਸ ਜਾਣਦੇ ਹਨ ਉਨ੍ਹਾਂ ਨੂੰ ਪਤਾ ਹੈ ਕਿ ਈਰਾਨ ਕਿਸੇ ਵੀ ਧਮਕੀਆਂ ਨੂੰ ਨਹੀਂ ਸੁਣਦਾ, ਇਜ਼ਰਾਇਲ ਨੇ ਵੱਡੀ ਗਲਤੀ ਕੀਤੀ ਹੈ ਅਤੇ ਉਸ ਨੂੰ ਇਸ ਦੀ ਸਜ਼ਾ ਮਿਲੇਗੀ।
ਖਾਮੇਨਈ ਨੇ ਕਿਹਾ ਕਿ ਈਰਾਨ ਥੋਪੀ ਗਈ ਸ਼ਾਂਤੀ ਅਤੇ ਯੁੱਧ ਨੂੰ ਨਹੀਂ ਮੰਨੇਗਾ। ਗੌਰਤਲਬ ਹੈ ਕਿ 1979 ਦੀ ਇਸਲਾਮੀ ਕ੍ਰਾਂਤੀ ਤੋਂ ਬਾਅਦ ਅਯਾਤੁੱਲਾ ਖਾਮੇਨਈ ਈਰਾਨ ਦੇ ਦੂਜੇ ਸਰਵਉੱਚ ਨੇਤਾ ਹਨ। ਉਹ ਸਾਲ 1989 ਤੋਂ ਦੇਸ਼ ਦੇ ਸਭ ਤੋਂ ਉੱਚੇ ਅਹੁਦੇ 'ਤੇ ਕਾਬਜ਼ ਹਨ। ਨੌਜਵਾਨ ਈਰਾਨੀਆਂ ਨੇ ਖਾਮੇਨਈ ਤੋਂ ਬਿਨਾਂ ਕਦੇ ਵੀ ਕਿਸੇ ਹੋਰ ਨੂੰ ਸੱਤਾ ਵਿੱਚ ਨਹੀਂ ਦੇਖਿਆ ਹੈ।
