10.53C Vancouver 10.53C VancouverAug 16, 2021 3:26 PM -
ਯੂ ਐਸ ਦੇ ਸੀਨੀਅਰ ਫੌਜੀ ਅਧਿਕਾਰੀਆਂ ਦੇ ਮੁਤਾਬਿਕ ਅੱਜ ਸਵੇਰੇ ਕਾਬੁਲ ਦੇ ਹਵਾਈ ਅੱਡੇ ਤੇ ਮੱਚੀ ਭਾਜੜ ਵਿੱਚ 7 ਲੋਕਾਂ ਦੀ ਮੌਤ ਹੋ ਗਈ ਹੈ, ਇਹਨਾਂ ਵਿੱਚੋਂ ਕਈਆਂ ਦੀ ਮੌਤ ਅਮੇਰਿਕਾ ਦੇ ਫੌਜ ਦੇ ਜਹਾਜ਼ ਵਿੱਚੋਂ ਡਿੱਗਣ ਕਰਕੇ ਹੋਈ ਹੈ।
ਇਹਨਾਂ ਅਧਿਕਾਰੀਆਂ ਨੂੰ ਇਸ ਸਥਿਤੀ ਵਾਰੇ ਜਨਤਕ ਤੌਰ ਤੇ ਕੋਈ ਬਿਆਨ ਦੇਣ ਦੀ ਇਜਾਜ਼ਤ ਨਹੀਂ ਹੈ ਅਤੇ ਉਹਨਾਂ ਨੇ ਇਹ ਗੱਲ ਵੀ ਆਪਣਾ ਨਾਮ ਗੁਪਤ ਰੱਖੇ ਜਾਣ ਦੀ ਸ਼ਰਤ ਅਧੀਨ ਦੱਸੀ ਹੈ। ਤਾਲੀਬਾਨ ਵੱਲੋਂ ਬਹੁਤ ਹੀ ਤੇਜ਼ੀ ਨਾਲ ਮੁਲਕ ਵਿੱਚ ਕੀਤੇ ਗਏ ਕਬਜ਼ੇ ਤੋਂ ਬਾਅਦ ਹਜ਼ਾਰਾਂ ਦੀ ਗਿਣਤੀ ਵਿੱਚ ਲੋਕ ਉੱਥੋਂ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਕਈ ਯੂ ਐਸ ਫੌਜ ਦੇ ਜਹਾਜ਼ ਨਾਲ ਲਟਕ ਕੇ ਉੱਥੋਂ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਇਸ ਘਟਨਾ ਦੀ ਇੱਕ ਵਿਡੀਉ ਵੀ ਸਾਂਝੀ ਕੀਤੀ ਗਈ ਹੈ ਜੋ ਅਮੇਰਿਕਾ ਵੱਲੋਂ ਉੱਥੇ ਚਲਾਈ ਗਈ 20 ਸਾਲਾਂ ਦੀ ਲੜਾਈ ਖਤਮ ਹੋਣ ਤੋਂ ਬਾਅਦ ਉੱਥੇ ਪੈਦਾ ਹੋਈ ਮੰਦਭਾਗੀ ਸਥਿਤੀ ਦਾ ਸਬੂਤ ਹੈ।
ਇੱਕ ਹੋਰ ਵਿਡੀਉ ਵਿੱਚ ਕੁਝ ਲੋਕਾਂ ਨੂੰ ਇਸੇ ਜਹਾਜ਼ ਵਿੱਚੋਂ ਡਿੱਗਦੇ ਦੇਖਿਆ ਜਾ ਸਕਦਾ ਹੈ।
