20.68C Vancouver 20.68C VancouverDec 28, 2021 9:26 PM - The Canadian Press
ਅਮਰੀਕਾ ਦੇ ਵਿੱਚ ਕੋਵਿਡ-19 ਸੰਬੰਧੀ ਆਈਸੋਲੇਸ਼ਨ ਦੀਆਂ ਪਬੰਦੀਆਂ 'ਚ ਢਿੱਲ ਦਿੱਤੀ ਜਾ ਰਹੀ ਹੈ।
ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਿਤ ਹੋਣ ਵਾਲੇ ਏਸਿੰਪਟੋਮੈਟਿਕ ਅਮਰੀਕੀ ਲੋਕਾਂ ਲਈ ਆਈਸੋਲੇਸ਼ਨ ਪਬੰਦੀਆਂ ਨੂੰ ਘਟਾਇਆ ਜਾ ਰਿਹਾ ਹੈ।
ਯੂ.ਐਸ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰਿਵੈਂਸ਼ਨ ਦਾ ਕਹਿਣਾ ਹੈ ਕਿ ਵਾਇਰਸ ਤੋਂ ਪ੍ਰਭਾਵਿਤ ਲੋਕ 5 ਦਿਨ ਬਾਅਦ ਆਈਸੋਲੇਸ਼ਨ ਤੋਂ ਬਾਹਰ ਆ ਸਕਦੇ ਹਨ।
ਪਹਿਲਾਂ ਇਸ ਸੰਬੰਧੀ ਆਈਸੋਲੇਸ਼ਨ ਪੀਰੀਅਡ 10 ਦਿਨ ਦਾ ਸੀ।
ਹੁਣ ਸੀ.ਡੀ.ਸੀ. ਨੇ ਐਲਾਨ ਕੀਤਾ ਹੈ ਕਿ ਵਾਇਰਸ ਤੋਂ ਪ੍ਰਭਾਵਿਤ ਹੋਣ ਦੇ ਬਾਵਜੂਦ ਲੋਕ 5 ਦਿਨ ਬਾਅਦ ਆਈਸੋਲੇਸ਼ਨ ਤੋਂ ਬਾਹਰ ਆ ਸਕਦੇ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਐਲਾਨ ਉਸ ਵੇਲੇ ਕੀਤਾ ਜਾ ਰਿਹਾ ਹੈ ਜਦ ਵਧੇਰੇ ਸਬੂਤ ਹਾਸਿਲ ਹੋ ਰਹੇ ਹਨ ਕਿ ਕੋਰੋਨਾ ਵਾਇਰਸ ਦਾ ਕਿਸੇ ਵਿਅਕਤੀ ਦੇ ਲੱਛਣ ਸਥਾਪਿਤ ਹੋਣ ਤੋਂ 2 ਦਿਨ ਪਹਿਲਾਂ ਅਤੇ 3 ਦਿਨ ਬਾਅਦ ਤਕ ਫੈਲਾਅ ਦਾ ਵਧੇਰੇ ਆਸਾਰ ਰਹਿੰਦਾ ਹੈ।
