24.15C Vancouver 24.15C VancouverJul 10, 2025 6:33 PM - Connect Newsroom
ਅਮਰੀਕਾ ਵਲੋਂ ਤਾਂਬੇ 'ਤੇ 50 ਫੀਸਦੀ ਟੈਰਿਫ 1 ਅਗਸਤ ਤੋਂ ਲਾਗੂ ਕੀਤਾ ਜਾਵੇਗਾ। ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਇਸ ਨੂੰ ਨੈਸ਼ਨਲ ਸਕਿਓਰਿਟੀ ਦਾ ਮਾਮਲਾ ਦੱਸਿਆ, ਉਨ੍ਹਾਂ ਟਰੁੱਥ ਸੋਸ਼ਲ 'ਤੇ ਇੱਕ ਪੋਸਟ ਵਿਚ ਕਿਹਾ ਕਿ ਤਾਂਬੇ ਦਾ ਇਸਤੇਮਾਲ ਸੈਮੀਕੰਡਕਟਰ ਤੋਂ ਲੈ ਕੇ ਏਅਰ ਕਰਾਫਟ ਸ਼ਿਪ, ਗੋਲਾ ਬਰੂਦ, ਲਿਥੀਅਮ-ਆਇਨ ਬੈਟਰੀਆਂ, ਰਾਡਾਰ ਅਤੇ ਮਿਜ਼ਾਇਲ ਸਿਸਟਮ ਤੋਂ ਲੈ ਕੇ ਹਾਈਪਰਸੋਨਿਕ ਹਥਿਆਰ ਵਿਚ ਹੁੰਦਾ ਹੈ, ਜਿਨ੍ਹਾਂ ਵਿਚੋਂ ਅਸੀਂ ਬਹੁਤ ਸਾਰੇ ਬਣਾ ਰਹੇ ਹਾਂ।
ਟਰੰਪ ਨੇ ਕਿਹਾ ਕਿ ਕੋਪਰ ਡਿਫੈਂਸ ਵਿਚ ਦੂਜਾ ਸਭ ਤੋਂ ਵੱਧ ਇਸਤੇਮਾਲ ਹੋਣ ਵਾਲਾ ਮਟੀਰੀਅਲ ਹੈ। ਰਿਪੋਰਟਸ ਦੀ ਮੰਨੀਏ ਤਾਂ ਪਿਛਲੇ ਸਾਲ ਅਮਰੀਕਾ ਵਲੋਂ ਇੰਪੋਰਟ ਕੀਤੇ ਗਏ ਰਿਫਾਇੰਡ ਕੋਪਰ ਦਾ ਲਗਭਗ 90 ਫੀਸਦੀ ਹਿੱਸਾ ਚਿੱਲੀ, ਕੈਨੇਡਾ ਅਤੇ ਪੇਰੂ ਤੋਂ ਸੀ।
ਇੱਕ ਅਨੁਮਾਨ ਮੁਤਾਬਕ, ਕੈਨੇਡਾ ਕੋਲ ਵਿਸ਼ਵ ਦੇ ਕੋਪਰ ਭੰਡਾਰ ਦਾ ਮਹਿਜ 1 ਫੀਸਦੀ ਹੈ ਅਤੇ 2023 ਵਿਚ ਇਹ ਤਾਂਬੇ ਦਾ ਉਤਪਾਦਨ ਵਿਚ 12ਵੇਂ ਸਥਾਨ 'ਤੇ ਸੀ।
