25.11C Vancouver 25.11C VancouverJun 1, 2021 3:36 PM -
ਕੈਨੇਡਾ ਵਲੋਂ ਕੋਵਿਡ-19 ਵੈਕਸੀਨ ਨੂੰ ‘ਮਿਕਸ ਐਂਡ ਮੈਚ’ ਕਰਨ ਸੰਬੰਧੀ ਦਿਸ਼ਾ ਨਿਰਦੇਸ਼ਾਂ ਵਿੱਚ ਤਬਦੀਲੀਆਂ ਕੀਤੀਆਂ ਜਾ ਰਹੀਆਂ ਹਨ।
ਕੁਝ ਸਥਿਤੀਆਂ ਵਿੱਚ ਔਕਸਫੋਰਡ-ਐਸਟਰਾਜ਼ੇਨੇਕਾ, ਫਾਈਜ਼ਰ-ਬਾਇਓਐਨਟੈਕ ਅਤੇ ਮਡਰਨਾ ਦੇ ਵੈਕਸੀਨ ਨੂੰ ‘ਮਿਕਸ ਐਂਡ ਮੈਚ’ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਹੈ, ਜਾਨੀ ਇਨ੍ਹਾਂ ਵਿੱਚੋਂ ਕਿਸੇ ਵੀ ਵੈਕਸੀਨ ਦੀ ਪਹਿਲੀ ਖੁਰਾਕ ਤੋਂ ਬਾਅਦ, ਤਿੰਨਾਂ ਵਿੱਚੋਂ ਕਿਸੇ ਹੋਰ ਵੈਕਸੀਨ ਦੀ ਦੂਜੀ ਡੋਜ਼ ਦਿੱਤੀ ਜਾ ਸਕੇਗੀ।
‘ਦ ਨੈਸ਼ਨਲ ਐਡਵਾਇਜ਼ਰੀ ਕਮੇਟੀ ਔਨ ਇਮੂਨਾਈਜ਼ੇਸ਼ਨ’ ਵਲੋਂ ਇਸ ਸੰਬੰਧ ਵਿੱਚ ਹੋਰ ਵੇਰਵੇ ਸਾਂਝੇ ਕੀਤੇ ਗਏ।
ਨੈਸੀ ਵਲੋਂ ਔਕਸਫੋਰਡ-ਐਸਟਰਾਜ਼ੇਨੇਕਾ ਹਾਸਿਲ ਕਰ ਚੁੱਕੇ ਲੋਕਾਂ ਨੂੰ ਫਾਈਜ਼ਰ-ਬਾਇਓਐਨਟੈਕ ਜਾਂ ਮਡਰਨਾ ਦੀ ਦੂਜੀ ਖੁਰਾਕ ਲੈਣ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ।
ਨੈਸੀ ਵਲੋਂ ਆਪਣੀਆਂ ਸਿਫਾਰਸ਼ਾਂ ਵਿੱਚ ਕੀਤੀਆਂ ਜਾ ਰਹੀਆਂ ਇਹ ਤਬਦੀਲੀਆਂ ਸਪੇਨ ਅਤੇ ਯੂ.ਕੇ. ਵਿੱਚ ਕੀਤੀ ਗਈ ਉਸ ਰਿਸਰਚ ’ਤੇ ਅਧਾਰਤ ਹਨ ਜਿਸ ਵਿੱਚ ਕੋਵਿਡ -19 ਤੋਂ ਬਚਾਅ ਲਈ ਵੈਕਸੀਨ ਦੀ ‘ਮਿਕਸਿੰਗ ਅਤੇ ਮੈਚਿੰਗ’ ਸੁਰਖਿਅਤ ਅਤੇ ਅਸਰਦਾਰ ਸਾਬਤ ਹੋਈ ਹੈ।
ਔਕਸਫੋਰਡ-ਐਸਟਰਾਜ਼ੇਨੇਕਾ ਵੈਕਸੀਨ ਨਾਲ ਸੰਬੰਧਤ ਦੁਰਲੱਭ ਬਲੱਡ ਕਲੌਟ ਸਥਾਪਤ ਹੋਣ ਦੇ ਕੈਨੇਡਾ ਵਿੱਚ 41 ਮਾਮਲੇ ਸਾਹਮਣੇ ਆ ਚੁੱਕੇ ਹਨ ਅਤੇ 5 ਜਾਨਾਂ ਚਲੀਆਂ ਗਈਆਂ ਹਨ।
