15.12C Vancouver 15.12C VancouverAug 31, 2020 7:33 PM -
ਕੋਵਿਡ-19 ਪੈਨਡੇਮਿਕ ਕਾਰਨ ਚੱਲ ਰਹੇ ਵਿੱਤੀ ਸੰਕਟ ਕਰਕੇ ਵੈਨਕੂਵਰ ਐਕੁਏਰੀਅਮ ਫਿਰ ਤੋਂ ਬੰਦ ਹੋਂਣ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਇੱਥੇ ਕੰਮ ਕਰਨ ਵਾਲੇ 209 ਕਾਮਿਆਂ ਨੂੰ ਨੌਕਰੀਆਂ ਤੋਂ ਹਟਾਇਆ ਜਾ ਰਿਹਾ ਹੈ।
ਜਾਰੀ ਕੀਤੇ ਗਏ ਬਿਆਨ ਵਿਚ ਐਕੁਏਰੀਅਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਕਾਰਨ ਹੋਈ ਵਿੱਤੀ ਤਬਾਹੀ ਤੋਂ ਬਾਅਦ ਉਹ ਇਸ ਤੋਂ ਉਭਰਨ ਲਈ ਆਪਣੀ ਪ੍ਰੋਗਰਾਮਿੰਗ ਨੂੰ ਰੋਕ ਰਹੇ ਹਨ।
'ਓਸ਼ੀਅਨ ਵਾਈਜ਼' ਦਾ ਕਹਿਣਾ ਹੈ ਕਿ ਇਹ 7 ਸਿਤੰਬਰ ਤੋਂ ਬੰਦ ਹੋ ਰਿਹਾ ਹੈ। ਸਾਇਟ 'ਤੇ ਮੌਜੂਦ ਜਾਨਵਰਾਂ ਦੀ 75 ਮਾਹਿਰ ਸਟਾਫ਼ ਮੈਂਬਰਾਂ ਦੁਆਰਾ ਦੇਖਭਾਲ ਕੀਤੀ ਜਾਵੇਗੀ।
ਜ਼ਿਕਰਯੋਗ ਹੈ ਕਿ ਪੈਨਡੇਮਿਕ ਦੇ ਹਾਲਾਤਾਂ ਵਿਚ 3 ਮਹੀਨੇ ਬੰਦ ਰਹਿਣ ਤੋਂ ਬਾਅਦ ਵੈਨਕੂਵਰ ਐਕੁਏਰੀਅਮ ਨੂੰ ਜੂਨ ਦੇ ਮਹੀਨੇ ਵਿਚ ਖੋਲ੍ਹਿਆ ਗਿਆ ਸੀ।
ਐਕੁਏਰੀਅਮ ਨੂੰ ਚਲਾਉਣ ਵਾਲੀ ਗ਼ੈਰ-ਮੁਨਾਫ਼ਾ ਸੰਸਥਾ 'ਓਸ਼ੀਅਨ ਵਾਈਜ਼' ਦਾ ਕਹਿਣਾ ਹੈ ਕਿ ਉਹ ਹੁਣ ਅਜਿਹਾ ਮੌਡਲ ਤਿਆਰ ਕਰਨ ਵੱਲ ਧਿਆਨ ਕੇਂਦਰਿਤ ਕਰਨਗੇ ਜਿੱਥੇ ਜਾਨਵਰਾਂ ਦੇ ਰੱਖ-ਰਖਾਵ ਦੇ ਨਾਲ-ਨਾਲ ਵਿੱਤੀ ਸੰਕਟ ਤੋਂ ਬਚਿਆ ਜਾ ਸਕੇ।
