29.01C Vancouver 29.01C VancouverMay 28, 2025 8:40 PM -
ਸਾਲ 2025 ਦੀਆਂ ਵੈਨਕੂਵਰ ਬੈਂਡਿਟਸ ਦੀਆਂ ਕੁਝ ਗੇਮਸ ਦੀ ਕਮੈਂਟਰੀ ਪੰਜਾਬੀ ਵਿੱਚ ਕੀਤੀ ਜਾਵੇਗੀ। ਅਜਿਹਾ ਵੈਨਕੂਵਰ ਬੈਂਡਿਟਸ ਅਤੇ ਕਨੈਕਟ ਐਫ.ਐਮ. ਦੀ ਪਾਰਟਨਰਸ਼ਿਪ ਤਹਿਤ ਕੀਤਾ ਜਾ ਰਿਹਾ ਹੈ।
ਇਹ ਲਗਾਤਾਰ ਦੂਜਾ ਸੀਜ਼ਨ ਹੈ ਜਦ ਬੈਂਡਿਟਸ ਅਤੇ ਕਨੈਕਟ ਐਫ.ਐਮ. ਵੱਲੋਂ ਕਮਿਊਨਿਟੀ ਲਈ ਪੰਜਾਬੀ ਕਮੈਂਟਰੀ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ।
ਬੀਤੇ ਸਾਲ 1 ਜੂਨ ਨੂੰ ਬੈਂਡਿਟਸ ਅਤੇ ਕਨੈਕਟ ਐਫ.ਐਮ. ਨੇ ਕਨੇਡੀਅਨ ਐਲੀਟ ਬਾਸਕਿਟਬਾਲ ਇਤਿਹਾਸ ਵਿੱਚ ਪਹਿਲੀ ਵਾਰ ਪੰਜਾਬੀ ਕਮੈਂਟਰੀ ਕੀਤੀ ਸੀ।
ਇਸ ਮਾਈਲਸਟੋਨ ਮੌਕੇ ਤੋਂ ਬਾਅਦ ਲੋਅਰ ਮੇਨਲੈਂਡ ਅਤੇ ਪੰਜਾਬੀ ਬੋਲਣ ਅਤੇ ਸਮਝਣ ਵਾਲੇ ਭਾਈਚਾਰੇ ਤੋਂ ਭਰਵਾਂ ਹੁੰਗਾਰਾ ਮਿਲਿਆ ਸੀ।
ਇਸ ਪਹਿਲਕਦਮੀ ਆਸਰੇ ਇੱਕ ਪਾਸੇ ਜਿਥੇ ਰੀਪ੍ਰੈਜੈਂਟੇਸ਼ਨ ਦਾ ਮੌਕਾ ਮਿਲਿਆ ਉਥੇ ਹੀ ਖੇਡ ਨਾਲ ਸੰਬੰਧਤ ਸਭਿਆਚਾਰਕ ਸੈਲੀਬ੍ਰੇਸ਼ਨ ਦਾ ਮੌਕਾ ਮਿਲਿਆ।
ਕਨੈਕਟ ਐਫ.ਐਮ. ਦੇ ਡਾਇਰੈਕਟਰ ਸਟ੍ਰੇਟਜੀ ਅਤੇ ਆਪ੍ਰੇਸ਼ਨਸ, ਤਜਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਕਨੈਕਟ ਐਫ.ਐਮ. ਇੱਕ ਰੇਡੀਓ ਪਲੈਟਫਾਰਮ ਵਜੋਂ ਹਮੇਸ਼ਾ ਹੀ ਕਮਿਊਨਿਟੀ ਲਈ ਲਾਭਦਾਇਕ ਸਿੱਧ ਹੋਣ ਵਾਲੇ ਇਨੀਸ਼ੀਏਟਿਵਸ ਨਾਲ ਜੁੜਨ 'ਤੇ ਧਿਆਨ ਕੇਂਦਰਿਤ ਕਰਦਾ ਰਿਹਾ ਹੈ।
ਉਨ੍ਹਾਂ ਆਖਿਆ ਕਿ ਵੈਨਕੂਵਰ ਬੈਂਡਿਟਸ ਨਾਲ ਪਾਰਟਨਰਸ਼ਿਪ ਵੀ ਇਸੇ ਆਈਡੀਆ 'ਤੇ ਅਧਾਰਿਤ ਹੈ ਕਿ ਕਮਿਊਨਿਟੀ ਲਈ ਕੁਝ ਅਜਿਹਾ ਕੀਤਾ ਜਾਵੇ ਜੋ ਪਹਿਲਾਂ ਨਹੀਂ ਕੀਤਾ ਗਿਆ।
ਵੈਨਕੂਵਰ ਬੈਂਡਿਟਸ ਦੀਆਂ ਅੱਠ ਹੋਮ ਗੇਮਸ ਲਈ ਕਨੈਕਟ ਐਫ.ਐਮ. ਵੱਲੋਂ ਪੰਜਾਬੀ ਕਮੈਂਟਰੀ ਕੀਤੀ ਜਾ ਰਹੀ ਹੈ। ਇਸ ਨੂੰ ਸੁਣਨ ਲਈ ਹੇਠ ਦਿਤੀ ਜਾਣਕਾਰੀ ਅਨੁਸਾਰ ਟਿਊਨ-ਇਨ ਕੀਤਾ ਜਾ ਸਕਦਾ ਹੈ।
