ਵੈਨਕੂਵਰ ਦੇ ਜਨਮੇ ਅਦਾਕਾਰ ਜੋਸ਼ੂਆ ਜੈਕਸਨ ਦਾ ਘਰ ਲਾਸ ਏਂਜਲਸ ਦੀ ਅੱਗ ਵਿਚ ਸੜ ਕੇ ਹੋਇਆ ਸੁਆਹ

ਵੈਨਕੂਵਰ ਦੇ ਜਨਮੇ ਅਦਾਕਾਰ ਜੋਸ਼ੂਆ ਜੈਕਸਨ ਦਾ ਘਰ ਲਾਸ ਏਂਜਲਸ ਦੀ ਅੱਗ ਵਿਚ ਰਾਖ਼ ਹੋ ਗਿਆ ਹੈ। ਉਨ੍ਹਾਂ ਦਾ ਇਹ ਘਰ ਪੈਲੀਸੇਡਸ ਅੱਗ ਵਿਚ ਨਸ਼ਟ ਹੋਇਆ, ਜੋ ਪਿਛਲੇ ਹਫ਼ਤੇ ਭੜਕੀਆਂ ਸਭ ਤੋਂ ਵੱਡੀਆਂ 4 ਅੱਗਾਂ ਵਿਚੋਂ ਇੱਕ ਹੈ।

ਇਸ ਅੱਗ ਵਿਚ ਹੁਣ ਤੱਕ 20 ਤੋਂ ਵੱਧ ਲੋਕਾਂ ਦੀ ਮੌਤ ਅਤੇ 1,2000 ਤੋਂ ਵੱਧ ਘਰ ਬਰਬਾਦ ਹੋ ਚੁੱਕੇ ਹਨ। ਉਥੇ ਹੀ, ਵੈਨਕੂਵਰ ਦੀ ਜਨਮੀ ਅਦਾਕਾਰਾ ਕੋਬੀ ਸਮਲਡਰਸ ਨੇ ਵੀ ਅੱਗ ਵਿਚ ਆਪਣਾ ਘਰ ਗੁਆ ਦਿੱਤਾ।

ਦੱਸ ਦੇਈਏ ਕਿ ਪੈਰਿਸ ਹਿਲਟਨ ਅਤੇ ਬਿਲੀ ਕ੍ਰਿਸਟਲ ਸਮੇਤ ਕਈ ਵੱਡੀਆਂ ਹਸਤੀਆਂ ਨੇ ਲਾਸ ਏਂਜਲਸ ਦੀ ਜੰਗਲੀ ਅੱਗ ਵਿਚ ਆਪਣੇ ਘਰ ਗੁਆਏ ਹਨ, ਅੱਗ ਬੁਝਾਉਣ ਵਾਲੇ ਅਜੇ ਵੀ ਅੱਗ ’ਤੇ ਕਾਬੂ ਪਾਉਣ ਲਈ ਸੰਘਰਸ਼ ਕਰ ਰਹੇ ਹਨ, ਈਟਨ ਅਤੇ ਪੈਲੀਸੇਡਸ ਵਿਚ ਬਲ ਰਹੀਆਂ ਅੱਗਾਂ ਨੂੰ ਕੈਲੀਫੋਰਨੀਆ ਦੇ ਇਤਿਹਾਸ ਵਿਚ ਦੂਜੀ ਅਤੇ ਚੌਥੀ ਸਭ ਤੋਂ ਵਿਨਾਸ਼ਕਾਰੀ ਅੱਗ ਦੱਸਿਆ ਜਾ ਰਿਹਾ ਹੈ।

ਪੈਲੀਸੇਡਸ, ਈਟਨ ਅਤੇ ਹਰਸਟ ਦੀ ਅੱਗ ਵਿਚ ਹੁਣ ਤੱਕ ਕੁੱਲ ਲਗਭਗ 60 ਵਰਗ ਮੀਲ ਖੇਤਰ ਤਬਾਹ ਹੋ ਚੁੱਕਾ ਹੈ ਜੋ ਕਿ ਪੈਰਿਸ ਤੋਂ ਵੀ ਵੱਡਾ ਖੇਤਰ ਹੈ।