7.53C Vancouver 7.53C VancouverDec 13, 2023 6:45 PM - Connect News
ਵੈਨਕੂਵਰ ਦੇ ਨਿਵਾਸੀਆਂ ਨੂੰ ਅਗਲੇ ਸਾਲ ਤੋਂ ਵੱਧ ਰਿਹਾਇਸ਼ੀ ਟੈਕਸ ਭਰਨਾ ਪਵੇਗਾ ਜਿਸ ਵਿੱਚ 7.5% ਦਾ ਵਾਧਾ ਹੋਣ ਜਾ ਰਿਹਾ ਹੈ। ਵੈਨਕੂਵਰ ਦੇ ਮੇਅਰ ਕੇਨ ਸਿਮ ਅਨੁਸਾਰ ਸ਼ਹਿਰ ਦੇ ਸਟਾਫ ਵੱਲੋਂ ਜੂਨ ਵਿੱਚ 2024 - 2028 ਦਾ ਬਜਟ ਆਉਟਲੁੱਕ ਪੇਸ਼ ਕੀਤਾ ਗਿਆ ਸੀ।
ਜਿਸ ਵਿੱਚ ਕਟੌਤੀ ਕੀਤੇ ਜਾਣ ਤੱਕ 9.5% ਦੇ ਵਾਧੇ ਦਾ ਅਨੁਮਾਨ ਲਗਾਇਆ ਗਿਆ ਸੀ। ਸਿਮ ਨੇ ਕਿਹਾ ਕਿ ਕੌਂਸਿਲ ਵੱਲੋਂ ਸਟਾਫ ਨੂੰ ਬਚਤ ਦਾ ਪਤਾ ਲਗਾਉਣ ਲਈ ਕਿਹਾ ਗਿਆ ਜਿਸ ਤੋਂ ਬਾਅਦ ਇਸ ਵਾਧੇ ਨੂੰ 7.5% ਸੀਮਿਤ ਰੱਖਿਆ ਜਾ ਸਕਿਆ।
ਇਸ ਵਿੱਚੋਂ 3% ਹਿੱਸਾ ਵੈਨਕੂਵਰ ਪੁਲਿਸ ਵਿਭਾਗ ਨੂੰ ਦਿੱਤਾ ਜਾਵੇਗਾ ਜਿਸਦਾ ਸਾਲ 2024 ਲਈ ਬਜਟ ਅੱਧਾ ਬਿਲੀਅਨ ਡਾਲਰ ਭਾਵ $472 ਮਿਲੀਅਨ ਦੇ ਕਰੀਬ ਹੋਵੇਗਾ। ਸਿਮ ਆਪਣੇ ਦਫਤਰ ਲਈ ਅਖਤਿਆਰੀ ਖਰਚਿਆਂ ਵਿੱਚ $100,000 ਦੇ ਵਾਧੇ ਅਤੇ ਸਿਟੀ ਕਲਰਕ ਦੇ ਦਫ਼ਤਰ ਲਈ ਵਾਧੂ $80,000 ਦਾ ਸਮਰਥਨ ਕਰਨ ਲਈ ਕੌਂਸਲ ਤੋਂ ਸਮਰਥਨ ਪ੍ਰਾਪਤ ਕਰਨ ਵਿਚ ਸਫਲ ਰਿਹਾ। ਵੈਨਕੂਵਰ ਪਬਲਿਕ ਲਾਇਬ੍ਰੇਰੀ ਨੂੰ ਵੀ $180,000 ਹੋਰ ਮਿਲੇ ਹਨ ਜਿਸਦਾ 2024 ਲਈ ਬਜਟ $67 ਮਿਲੀਅਨ ਹੋਵੇਗਾ।
2024 ਲਈ ਸ਼ਹਿਰ ਦਾ ਸੰਚਾਲਨ ਬਜਟ $2.2 ਬਿਲੀਅਨ ਹੋਵੇਗਾ ਜਿਸ ਵਿੱਚ $367.8 ਮਿਲੀਅਨ ਸੀਵਰੇਜ ਬਦਲਣ ਵਰਗੇ ਕੈਪੀਟਲ ਪ੍ਰਾਜੈਕਟ 'ਤੇ ਖਰਚ ਕੀਤੇ ਜਾਣਗੇ। ਵੈਨਕੂਵਰ ਪਾਰਕ ਬੋਰਡ ਲਈ 2024 ਦਾ ਬਜਟ $248 ਮਿਲੀਅਨ ਹੋਵੇਗਾ।
