21.56C Vancouver 21.56C VancouverJan 5, 2021 4:34 PM -
‘ਦ ਰੀਅਲ ਇਸਟੇਟ ਬੋਰਡ ਆਫ ਗ੍ਰੇਟਰ ਵੈਨਕੂਵਰ’ ਮੁਤਾਬਕ 2020 ਦੇ ਆਖ਼ਰੀ ਮਹੀਨੇ ਵਿੱਚ ਘਰਾਂ ਦੀ ਵਿਕਰੀ ਵਿੱਚ ਦਸੰਬਰ 2019 ਦੇ ਮੁਕਾਬਲੇ 53.4 ਫ਼ੀਸਦੀ ਵਾਧਾ ਦੇਖਣ ਨੂੰ ਮਿਲਿਆ।
ਬੋਰਡ ਅਨੁਸਾਰ ਦਸੰਬਰ 2019 ਵਿੱਚ ਜਿਥੇ 2,016 ਘਰ ਅਤੇ ਨਵੰਬਰ ਵਿੱਚ 3,064 ਘਰ ਵਿਕੇ ਸਨ, ਓਥੇ ਹੀ ਦਸੰਬਰ 2020 ਵਿੱਚ 3,093 ਘਰਾਂ ਦੀ ਵਿਕਰੀ ਹੋਈ।
ਵੈਨਕੂਵਰ ਦੇ ਰੀਅਲ ਅਸਟੇਟ ਏਜੰਟਾਂ ਨੇ 1,026 ਡਿਟੈਚਡ ਹੋਮ ਵੇਚੇ ਜੋ ਕਿ ਦਸੰਬਰ 2019 ਦੇ ਮੁਕਾਬਲੇ 71.3 ਫ਼ੀਸਦੀ ਦਾ ਵਾਧਾ ਸੀ।
ਬੋਰਡ ਦਾ ਕਹਿਣਾ ਹੈ ਕਿ ਵੈਨਕੁਵਰ ਵਿੱਚ ਘਰ ਦੀ ਸੰਯੁਕਤ ਕੀਮਤ ਸਾਲ ਦੇ ਅੰਤ ਵਿੱਚ $1,047,400 ਹੋ ਗਈ, ਜੋ ਪਿਛਲੇ ਸਾਲ ਦੇ ਇਸ ਸਮੇਂ ਨਾਲੋਂ 5.4 ਫ਼ੀਸਦੀ ਵੱਧ ਸੀ।
ਬੋਰਡ ਦੀ ਚੇਅਰ ਕੋਲੇਟ ਗਰਬਰ ਦਾ ਕਹਿਣਾ ਹੈ ਕਿ ਕੋਵਿਡ -19 ਮਹਾਂਮਾਰੀ ਮਹਿੰਗਾਈ ਦੀ ਅਸਧਾਰਨ ਵਿਕਰੀ ਦਾ ਇਕ ਵੱਡਾ ਕਾਰਨ ਰਿਹਾ ਹੈ ਅਤੇ ਦਸੰਬਰ ਰੀਅਲ ਅਸਟੇਟ ਮਾਰਕੀਟ ਲਈ ਰਵਾਇਤੀ ਤੌਰ 'ਤੇ ਸ਼ਾਂਤ ਮਹੀਨਾ ਹੁੰਦਾ ਹੈ।
ਗਰਬਰ ਦਾ ਕਹਿਣਾ ਹੈ ਕਿ ਮਹਾਂਮਾਰੀ ਕਾਰਨ ਮਾਰਚ ਵਿੱਚ ਮਾਰਕੀਟ ਵਿੱਚ ਜਿਥੇ ਕੋਈ ਵਾਧਾ ਦਰਜ ਨਹੀਂ ਕੀਤਾ ਗਿਆ,ਓਥੇ ਹੀ ਗਰਮੀਆਂ, ਪੱਤਝੜ ਅਤੇ ਸਰਦੀਆਂ ਵਿੱਚ ਰੀਅਲ ਇਸਟੇਟ ਮਾਰਕੀਟ ਵਿੱਚ ਘੱਟ ਵਿਆਜ ਦਰਾਂ ਕਾਰਨ ਵਾਧਾ ਦੇਖਣ ਨੂੰ ਮਿਲਿਆ।
