12.27C Vancouver 12.27C VancouverApr 9, 2020 12:28 AM -
ਵੈਨਕੂਵਰ ਦੇ ਮੇਯਰ ਕੈਨੇਡੀ ਸਟਿਊਰਟ ਨੇ ਅੱਜ ਸ਼ਹਿਰ ਦੇ ਲੋਕਾਂ ਨੂੰ ਸੰਬੋਧਨ ਕੀਤਾ ਹੈ ਅਤੇ ਆਪਣੀ ਗੱਲਬਾਤ ਰੱਖਦੇ ਹੋਏ ਉਨ੍ਹਾਂ ਸੂਬੇ ਤੋਂ $200 ਮਿਲੀਅਨ ਦੀ ਮਦਦ ਦੀ ਮੰਗ ਕੀਤੀ ਹੈ।
ਮੇਯਰ ਦਾ ਕਹਿਣਾ ਹੈ ਕਿ ਇਸ ਰਕਮ ਦੀ ਵਰਤੋਂ, ਜਰੂਰੀ ਸੇਵਾਵਾਂ ਨੂੰ ਜਾਰੀ ਰੱਖਣ ਅਤੇ ਪੈਂਡੇਮਿਕ ਤੋਂ ਪ੍ਰਭਾਵਿਤ ਹੋ ਸਕਦੇ ਲੋਕਾਂ ਦੀ ਮਦਦ ਦੇ ਲਈ ਕੀਤੀ ਜਾਵੇਗੀ।
ਮੇਯਰ ਨੇ ਕਿਹਾ ਕਿ ਸ਼ਹਿਰ ਨੂੰ ਰੈਵੀਨਿਊ 'ਚ ਹੋਏ ਘਾਟੇ ਕਾਰਨ ਲਗਾਤਾਰ ਹਰ ਹਫਤੇ ਕਈ ਮਿਲੀਅਨ ਡਾਲਰ ਦਾ ਨੁਕਸਾਨ ਹੋ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਸ਼ਹਿਰ ਵੱਲੋਂ ਪ੍ਰਾਪਰਟੀ ਟੈਕਸ ਦੀ ਪੇਮੈਂਟ ਨੂੰ ਪੋਸਟਪੋਨ ਨਹੀਂ ਕੀਤਾ ਜਾਵੇਗਾ, ਬਲਕਿ ਇਸਨੂੰ 'ਡੈਫਰ' ਕਰਨ ਸੰਬੰਧੀ ਵਿਚਾਰ ਹੋ ਰਿਹਾ ਹੈ।
ਮੇਯਰ ਨੇ ਕਿਹਾ ਕਿ ਜੇਕਰ ਵੈਨਕੂਵਰ ਨੂੰ ਐਮਰਜੈਂਸੀ ਫੰਡਿੰਗ ਹਾਸਿਲ ਨਹੀਂ ਹੁੰਦੀ, ਤਾਂ ਪ੍ਰਾਪਰਟੀ ਟੈਕਸ 'ਚ ਵਾਧੇ ਅਤੇ ਸਟਾਫ ਤੇ ਸੇਵਾਵਾਂ 'ਚ ਕਟੌਤੀ ਬਾਰੇ ਵਿਚਾਰ ਕੀਤਾ ਜਾ ਸਕਦਾ ਹੈ।
