9.15C Vancouver 9.15C VancouverJun 30, 2022 1:00 AM - The Canadian Press
ਵੈਨਕੂਵਰ 'ਚ ਬੀਤੇ ਕੁਝ ਸਮੇਂ 'ਚ ਲੋਕਾਂ ਲਈ ਖਿੱਚ ਦਾ ਕੇਂਦਰ ਜਿਹਾ ਬਣ ਗਿਆ ਇੱਕ ਬਾਰਜ ਹੁਣ ਹਟਾਇਆ ਜਾਵੇਗਾ।
ਭਾਰੀ ਤੂਫਾਨ ਦੌਰਾਨ ਇਹ ਬਾਰਜ ਰੁੜਦਾ ਹੋਇਆ ਵੈਨਕੂਵਰ 'ਚ ਇੱਕ ਕੰਢੇ ਤਕ ਪਹੁੰਚ ਗਿਆ ਸੀ।
ਹਾਲਾਂਕਿ ਇੰਗਲਿਸ਼ ਬੇਅ 'ਤੇ ਪਹੁੰਚੇ ਇਸ ਬਾਰਜ ਦੇ ਤੂਫਾਨ ਵਾਲੇ ਦਿਨ ਇੱਕ ਪੁਲ ਵੱਲ ਵਧਣ ਕਾਰਨ ਖਤਰੇ ਜਿਹੇ ਹਾਲਾਤ ਬਣ ਗਏ ਸਨ ਪਰ ਬਾਰਜ ਦੇ ਪੁਲ ਨਾਲ ਟਕਰਾਉਣ ਤੋਂ ਬਚਾਅ ਰਿਹਾ ਸੀ।
ਹੁਣ ਜਾਣਕਾਰੀ ਦਿੱਤੀ ਗਈ ਹੈ ਕਿ ਇਸੇ ਹਫ਼ਤੇ ਤੋਂ ਇਸ ਬਾਰਜ ਨੂੰ ਹਟਾਉਣ ਦੀ ਪ੍ਰੀਕਿਰਿਆ ਸ਼ੁਰੂ ਹੋਵੇਗੀ।
ਇਸ ਸੰਬੰਧੀ ਜਾਣਕਾਰੀ ਅੱਜ ਸਿਟੀ ਆਫ ਵੈਨਕੂਵਰ ਨੇ ਜਾਰੀ ਕੀਤੀ।
ਸੇਫਟੀ ਬੈਰੀਅਰ ਅਤੇ ਫੈਂਸ ਸਥਾਪਿਤ ਕੀਤੀ ਜਾਵੇਗੀ ਅਤੇ ਫਿਰ ਵੈਨਕੂਵਰ ਪਾਈਲ ਡਰਾਈਵਿੰਗ ਲਿਮਿਟਿਡ ਵੱਲੋਂ ਇਸ ਬਾਰਜ ਦੀਆਂ ਕੰਧਾਂ ਅਤੇ ਹੋਰ ਹਿੱਸੇ ਹਟਾਏ ਜਾਣਗੇ।
ਸਿਟੀ ਦਾ ਕਹਿਣਾ ਹੈ ਕਿ ਇਸ ਬਾਰਜ ਨਾਲ ਸੰਬੰਧਤ ਸਾਰਾ ਮੈਟੀਰੀਅਲ ਹੋਰ ਬਾਰਜ ਮੌਕੇ 'ਤੇ ਲਿਆ ਕੇ ਚੁੱਕਿਆ ਜਾਵੇਗਾ ਅਤੇ ਫਿਰ ਇਸ ਨੂੰ ਪ੍ਰੋਸੈਸਿੰਗ ਅਤੇ ਰੀਸਾਈਕਲਿੰਗ ਲਈ ਪਹੁੰਚਾਇਆ ਜਾਵੇਗਾ।
ਇਸ ਨੂੰ ਨਸ਼ਟ ਕਰਨ ਅਤੇ ਹਟਾਉਣ ਲਈ ਕਰੀਬ 15 ਹਫ਼ਤੇ ਦਾ ਸਮਾਂ ਲੱਗਣ ਦੀ ਗੱਲ ਆਖੀ ਗਈ ਹੈ।
ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਪੂਰੀ ਪ੍ਰੀਕਿਰਿਆ ਦੌਰਾਨ ਸੀਵਾਲ ਖੁੱਲੀ ਰਵੇਗੀ ਅਤੇ ਇਸ ਦੌਰਾਨ ਕੋਈ ਟਰੈਫਿਕ 'ਤੇ ਪ੍ਰਭਾਵ ਦੇ ਵੀ ਆਸਾਰ ਨਹੀਂ ਮੰਨੇ ਜਾ ਰਹੇ ਹਨ।
