15.41C Vancouver 15.41C VancouverSep 28, 2022 12:33 AM - Connect News
ਵੈਨਕੂਵਰ 'ਚ ਇੱਕ ਪੈਦਲ ਯਾਤਰੀ ਦੀ ਮੌਤ ਹੋ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਪੈਦਲ ਯਾਤਰੀ ਨਾਲ ਇੱਕ ਚਾਰਟਰ ਬੱਸ ਟਕਰਾ ਗਈ ਸੀ।
ਪੁਲਿਸ ਅਨੁਸਾਰ ਘਟਨਾ ਦੁਪਹਿਰ ਕਰੀਬ 1 ਵਜੇ ਵਾਪਰੀ।
ਘਟਨਾ ਤੋਂ ਬਾਅਦ ਪੁਲਿਸ ਨੇ ਲੋਕਾਂ ਨੂੰ ਵੈਸਟ ਜੌਰਜੀਆ ਅਤੇ ਕਾਰਡਰੋ ਸਟ੍ਰੀਟਸ ਦੇ ਇਲਾਕੇ ਤੋਂ ਪਾਸੇ ਰਹਿਣ ਦੀ ਅਪੀਲ ਕੀਤੀ ਸੀ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਇੱਕ ਚਾਰਟਰ ਬੱਸ ਦੀ ਜੌਰਜੀਆ ਸਟ੍ਰੀਟ 'ਤੇ ਖੱਬੇ ਮੁੜਨ ਦੀ ਕੋਸ਼ਿਸ਼ ਦੌਰਾਨ ਇੱਕ ਪੈਦਲ ਯਾਤਰੀ ਨਾਲ ਟੱਕਰ ਹੋ ਗਈ ਸੀ।
ਘਟਨਾ 'ਚ ਇੱਕ ਔਰਤ ਦੇ ਮੌਕੇ 'ਤੇ ਹੀ ਦਮ ਤੋੜਨ ਸੰਬੰਧੀ ਜਾਣਕਾਰੀ ਦਿੱਤੀ ਗਈ।
ਪੁਲਿਸ ਨੇ ਦੱਸਿਆ ਕਿ ਬੱਸ ਚਾਲਕ ਪੁਲਿਸ ਨਾਲ ਕੋਆਪਰੇਟ ਕਰ ਰਿਹਾ ਸੀ ਅਤੇ ਪ੍ਰੇਸ਼ਾਨੀ ਦੀ ਹਾਲਤ ਵਿੱਚ ਸੀ।
ਜਾਂਚ ਅਧਿਕਾਰੀਆਂ ਵੱਲੋਂ ਇਲਾਕੇ 'ਚ ਮੌਜੂਦ ਲੋਕਾਂ ਅਤੇ ਬੱਸ ਦੀਆਂ ਸਵਾਰੀਆਂ ਨਾਲ ਵੀ ਪੁੱਛਗਿੱਛ ਕੀਤੀ ਜਾਵੇਗੀ।
ਪੀੜਤ ਔਰਤ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਹੈ।
