14.03C Vancouver 14.03C VancouverApr 15, 2024 5:08 PM - The Canadian Press
ਸਾਊਥ ਵੈਨਕੂਵਰ ਵਿਚ ਇਕ ਭਾਰਤੀ ਮੂਲ ਦੇ ਵਿਦਿਆਰਥੀ ਦਾ ਕਤਲ ਹੋਣ ਦੀ ਖਬਰ ਹੈ। ਵੈਨਕੂਵਰ ਦੇ ਸਨਸੈੱਟ ਇਲਾਕੇ ’ਚ ਸ਼ੁੱਕਰਵਾਰ ਰਾਤ ਨੂੰ ਹੋਏ ਕਤਲ ਦੇ ਪੀੜਤ 24 ਸਾਲਾ ਨੌਜਵਾਨ ਦੀ ਪਛਾਣ ਭਾਰਤ ਦੇ ਇਕ ਅੰਤਰਰਾਸ਼ਟਰੀ ਵਿਦਿਆਰਥੀ ਚਿਰਾਗ ਅੰਤਿਲ ਵਜੋਂ ਹੋਈ ਹੈ।
ਵੈਨਕੂਵਰ ਪੁਲਿਸ ਵਿਭਾਗ ਵਲੋਂ ਸ਼ਨੀਵਾਰ ਨੂੰ ਜਾਰੀ ਇਕ ਬਿਆਨ ਅਨੁਸਾਰ ਅਧਿਕਾਰੀਆਂ ਨੂੰ ਸ਼ੁੱਕਰਵਾਰ ਰਾਤ 11 ਵਜੇ ਦੇ ਕਰੀਬ ਈਸਟ 55 ਐਵੇਨਿਊ ਅਤੇ ਮੁੱਖ ਗਲੀ ਦੇ ਨੇੜੇ ਗੋਲੀਬਾਰੀ ਹੋਣ ਦੀ ਖਬਰ ਮਿਲੀ ਸੀ।
ਮੌਕੇ ’ਤੇ ਪੁਲਿਸ ਨੂੰ ਚਿਰਾਗ ਇਕ ਕਾਰ ਵਿਚ ਮ੍ਰਿਤਕ ਮਿਲਿਆ। ਪੁਲਿਸ ਦੇ ਬਿਆਨ ਅਨੁਸਾਰ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਅਤੇ ਅਜੇ ਤਕ ਕੋਈ ਗ੍ਰਿਫਤਾਰੀ ਨਹੀਂ ਕੀਤੀ ਗਈ ਹੈ।
ਚਿਰਾਗ ਦੇ ਪਰਿਵਾਰ ਅਨੁਸਾਰ ਉਹ ਹਰਿਆਣਾ ਤੋਂ 2022 ਵਿਚ ਪੜ੍ਹਾਈ ਲਈ ਵੈਨਕੂਵਰ ਆਇਆ ਸੀ। ਚਿਰਾਗ ਦੀ ਲਾਸ਼ ਨੂੰ ਵਾਪਸ ਭਾਰਤ ਭੇਜਣ ਲਈ ਇਕ ਫੰਡਰੇਜ਼ਰ ਪੇਜ ਵੀ ਬਣਾਇਆ ਗਿਆ ਹੈ।
