22.78C Vancouver 22.78C VancouverJul 19, 2022 7:54 PM - The Canadian Press
ਵੈਨਕੂਵਰ 'ਚ ਵਾਪਰੀ ਕਤਲ ਦੀ ਵਾਰਦਾਤ ਦੇ ਮਾਮਲੇ 'ਚ ਇੱਕ ਔਰਤ 'ਤੇ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ।
ਵੈਨਕੂਵਰ ਪੁਲਿਸ ਅਨੁਸਾਰ ਘਟਨਾ 'ਚ 2 ਅਜਿਹੇ ਲੋਕ ਸ਼ਾਮਿਲ ਸਨ ਜੋ ਇੱਕ-ਦੂਜੇ ਨੂੰ ਜਾਣਦੇ ਨਹੀਂ ਸਨ।
ਅੱਜ ਵੈਨਕੂਵਰ ਪੁਲਿਸ ਵੱਲੋਂ ਬੀਤੇ ਹਫ਼ਤੇ ਯੇਲਟਾਊਨ 'ਚ ਵਾਪਰੀ ਘਟਨਾ ਬਾਰੇ ਜਾਣਕਾਰੀ ਜਾਰੀ ਕੀਤੀ ਗਈ।
ਪੀੜਤ ਵਿਅਕਤੀ ਦੀ ਪਛਾਣ 29 ਸਾਲਾ ਜਸਟਿਨ ਮੋਰਮਾਨ ਵਜੋਂ ਹੋਈ ਹੈ।
ਪੀੜਤ ਯੁਵਕ ਸਮਾਇਥ ਅਤੇ ਹੋਮਰ ਸਟ੍ਰੀਟਸ ਕੋਲ 11 ਜੁਲਾਈ ਨੂੰ ਤੁਰ ਕੇ ਜਾ ਰਿਹਾ ਸੀ ਜਦ ਉਸ 'ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਗਿਆ ਸੀ।
ਇਸ ਮਾਮਲੇ 'ਚ ਇੱਕ 34 ਸਾਲਾ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਔਰਤ ਦੀ ਪਛਾਣ ਲਿੰਡਸੇ ਸਕੌਟ ਵਜੋਂ ਹੋਈ ਹੈ। ਦੋਸ਼ਾਂ ਦਾ ਸਾਹਮਣਾ ਕਰ ਰਹੀ ਔਰਤ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਜਾਂਚ ਅਧਿਕਾਰੀਆਂ ਨੂੰ ਕੋਈ ਸਬੂਤ ਨਹੀਂ ਮਿਲੇ ਕਿ ਸ਼ੱਕੀ ਔਰਤ ਅਤੇ ਪੀੜਤ ਇੱਕ-ਦੂਜੇ ਨੂੰ ਜਾਣਦੇ ਸਨ।
