14.42C Vancouver 14.42C VancouverJul 6, 2021 7:24 PM -
ਵੈਨਕੂਵਰ ਪੁਲਿਸ ਨੇ $4 ਮਿਲੀਅਨ ਤੋਂ ਵਧੇਰੀ ਕੀਮਤ ਦੇ ਡਰੱਗਸ ਬਰਾਮਦ ਕੀਤੇ ਹਨ।
ਮੈਟਰੋ ਵੈਨਕੂਵਰ 'ਚ ਗੈਂਗ ਗਤੀਵਿਧੀ ਦੀ ਜਾਂਚ ਦੇ ਚਲਦਿਆਂ $320,000 ਕੈਸ਼ ਵੀ ਬਰਾਮਦ ਹੋਏ ਹਨ।
ਵੀ.ਪੀ.ਡੀ. ਤੋਂ ਸੁਪਰੀਟੈਂਡੈਂਟ ਲੀਜ਼ਾ ਬੇਅਰਨ ਦਾ ਕਹਿਣਾ ਸੀ ਕਿ ਇਹ ਮੈਟਰੋ ਵੈਨਕੂਵਰ 'ਚ ਬੀਤੇ ਕੁਝ ਸਮੇਂ 'ਚ ਹੋਈਆਂ ਵੱਡੀਆਂ ਬ੍ਰਾਮਦਗੀਆਂ ਵਿੱਚ ਸ਼ਾਮਿਲ ਹੈ।
ਉਨ੍ਹਾਂ ਕਿਹਾ ਕਿ ਇਸ ਜਾਂਚ ਦੌਰਾਨ 2 ਵੱਡੇ 'ਸਟੈਸ਼ ਹਾਉਸਿਸ' ਦਾ ਪਤਾ ਲੱਗਿਆ ਸੀ ਅਤੇ ਇਸ ਦੇ ਚਲਦਿਆਂ ਡਰੱਗ ਲਾਈਨ 'ਚ ਅੜਿੱਕੇ ਪੈਣ ਦਾ ਅਨੁਮਾਨ ਹੈ।
ਇਸ ਪੂਰੇ ਮਿਸ਼ਨ ਨੂੰ 'ਪ੍ਰੋਜੈਕਟ ਟੈਸ਼' ਦਾ ਨਾਮ ਦਿੱਤਾ ਗਿਆ ਸੀ।
ਜੂਨ ਦੇ ਅੰਤਲੇ ਦਿਨਾਂ 'ਚ ਡਾਊਨਟਾਊਨ ਵੈਨਕੂਵਰ 'ਚ 2 ਵੱਖਰੀਆਂ ਇਮਾਰਤਾਂ 'ਚ 2 ਸਰਚ ਵਰੰਟਾਂ ਨੂੰ ਅੰਜਾਮ ਦਿੱਤਾ ਗਿਆ।
ਜਾਂਚ ਅਧਿਕਾਰੀਆਂ ਨੇ 13 ਕਿਲੋਗ੍ਰਾਮ ਫੈਂਟਾਨਿਲ, 11 ਕਿਲੋਗ੍ਰਾਮ ਕ੍ਰਿਸਟਲ ਮੈਥ, 5 ਕਿਲੋਗ੍ਰਾਮ ਕੋਕੇਨ ਅਤੇ 6 ਕਿਲੋਗ੍ਰਾਮ ਬੈਨਜ਼ੋ-ਡਿਆ-ਜ਼ੀਪੀਨ ਬਰਾਮਦ ਕੀਤੀ। ਇਸ ਤੋਂ ਇਲਾਵਾ ਇੱਕ ਫਾਇਰਆਰਮ ਅਤੇ $3,20,000 ਕੈਸ਼ ਬਰਾਮਦ ਹੋਇਆ।
ਇਸ ਮਾਮਲੇ 'ਚ ਬਰਨਬੀ ਦੇ ਇੱਕ 52 ਸਾਲਾ ਵਿਅਕਤੀ ਅਤੇ ਵੈਨਕੂਵਰ ਦੇ 21 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਜਾਂਚ ਦੇ ਚਲਦੇ ਰਿਹਾ ਕਰ ਦਿੱਤਾ ਗਿਆ।
