13.75C Vancouver 13.75C VancouverMay 22, 2025 6:49 PM - Connect Newsroom
ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਵਿਚ ਵਿਸ਼ੇਸ਼ ਟਾਸਕ ਫੋਰਸ ਨੇ ਹਿੰਸਕ ਅਤੇ ਸਟ੍ਰੀਟ ਕ੍ਰਾਈਮ 'ਤੇ ਸ਼ਿਕੰਜਾ ਕੱਸਣ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਤਿੰਨ ਮਹੀਨਿਆਂ ਦੌਰਾਨ ਡਾਊਨਟਾਊਨ ਈਸਟਸਾਈਡ ਵਿਚ 2024 ਦੇ ਮੁਕਾਬਲੇ ਹਿੰਸਕ ਘਟਨਾਵਾਂ ਵਿਚ 13 ਫੀਸਦੀ ਦੀ ਕਮੀ ਆਈ ਹੈ। ਮੇਅਰ ਕੇਨ ਸਿਮ ਅਤੇ ਵੈਨਕੂਵਰ ਪੁਲਿਸ ਵਿਭਾਗ ਨੇ 13 ਫਰਵਰੀ ਨੂੰ ‘ਟਾਸਕ ਫੋਰਸ ਬੈਰਾਜ’ ਲੌਂਚ ਕੀਤੀ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਓਪ੍ਰੇਸ਼ਨ ਦੇ ਸ਼ੁਰੂ ਹੋਣ ਤੋਂ ਬਾਅਦ ਤਿੰਨ ਮਹੀਨਿਆਂ ਵਿਚ ਟਾਸਕ ਫੋਰਸ ਨੇ 745 ਹਥਿਆਰ, 79 ਬੰਦੂਕਾਂ ਜ਼ਬਤ ਕੀਤੀਆਂ ਹਨ। ਇਸ ਤੋਂ ਇਲਾਵਾ 414 ਗ੍ਰਿਫ਼ਤਾਰੀ ਵਾਰੰਟ ਪੂਰੇ ਕੀਤੇ ਗਏ। ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਵਿਸ਼ੇਸ਼ ਟਾਸਕ ਫੋਰਸ ਲਗਾਉਣ ਨਾਲ ਇਲਾਕੇ ਵਿਚ ਲੁੱਟ-ਖੋਹ ਅਤੇ ਸਟੋਰਾਂ ਤੇ ਘਰਾਂ ਵਿਚ ਚੋਰੀਆਂ ਦੀ ਵਾਰਦਾਤਾਂ ਵਿਚ ਵੀ ਕਮੀ ਆਈ ਹੈ।
