ਵੈਨਕੂਵਰ ਦੇ ਮਾਰਪੋਲ ਇਲਾਕੇ 'ਚ ਹਮਲਾਵਰ ਨੇ ਵਿਅਕਤੀ 'ਤੇ ਕੀਤਾ ਹਮਲਾ, ਪੁਲਿਸ ਵਲੋਂ ਕੀਤੀ ਰਹੀ ਜਾਂਚ

ਵੈਨਕੂਵਰ ਦੇ ਮਾਰਪੋਲ ਇਲਾਕੇ ਵਿਚ ਇੱਕ ਬੱਸ ਸਟੌਪ 'ਤੇ ਇੱਕ ਹਮਲਾਵਰ ਨੇ ਬਿਨਾਂ ਕਿਸੇ ਉਕਸਾਵੇ ਦੇ ਇੱਕ ਵਿਅਕਤੀ 'ਤੇ ਸਕੇਟਬੋਰਡ ਨਾਲ ਹਮਲਾ ਕਰ ਦਿੱਤਾ। ਪੁਲਿਸ ਮੁਤਾਬਕ, ਘਟਨਾ 7 ਜੁਲਾਈ ਨੂੰ ਸਵੇਰ ਕਰੀਬ 9:25 ਵਜੇ ਸਾਊਥ ਵੈਸਟ ਮਰੀਨ ਡਰਾਈਵ ਅਤੇ ਐਸ਼ ਸਟ੍ਰੀਟ ਕੋਲ ਵਾਪਰੀ, ਜਿੱਥੇ ਬੱਸ ਦੀ ਉਡੀਕ ਕਰ ਰਹੇ ਪੀੜਤ 'ਤੇ ਪਿੱਛੇ ਤੋਂ ਆਏ ਸ਼ੱਕੀ ਨੇ ਹਮਲਾ ਕੀਤਾ ਅਤੇ ਉਸ ਨੂੰ ਧੱਕਾ ਵੀ ਦਿੱਤਾ, ਜਿਸ ਮਗਰੋਂ ਉਸ ਦੇ ਹੈੱਡਫ਼ੋਨ ਵੀ ਲਾਹ ਦਿੱਤੇ।

ਵੈਨਕੂਵਰ ਪੁਲਿਸ ਮੁਤਾਬਕ,ਸਕੇਟਬੋਰਡ ਨਾਲ ਕੀਤੇ ਗਏ ਹਮਲਿਆਂ ਵਿਚ ਪੀੜਤ ਵਿਅਕਤੀ ਦੀ ਬਾਂਹ 'ਤੇ ਹਲਕੀਆਂ ਸੱਟਾਂ ਲੱਗੀਆਂ ਅਤੇ ਉਹ ਕਿਸੇ ਤਰ੍ਹਾਂ 911 'ਤੇ ਕਾਲ ਕਰਦੇ ਹੋਏ ਉਥੋਂ ਬਚਣ ਵਿਚ ਕਾਮਯਾਬ ਰਿਹਾ। ਇਸ ਹਮਲੇ ਦਾ ਸ਼ੱਕੀ ਫਰਾਰ ਦੱਸਿਆ ਜਾਂਦਾ ਹੈ, ਜਿਸ ਦੀ ਸੈਲਫੋਨ ਤਸਵੀਰ ਜਾਰੀ ਕਰਦੇ ਹੋਏ ਪੁਲਿਸ ਵਲੋਂ ਉਸ ਦੀ ਪਛਾਣ ਵਿਚ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਗਈ ਹੈ।