20.05C Vancouver 20.05C VancouverNov 23, 2022 12:52 AM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਭਰੀਆਂ ਹੋਈਆਂ ਬੰਦੂਕਾਂ ਅਤੇ ਹੋਰ ਖਤਰਨਾਕ ਹਥਿਆਰਾਂ ਦੀ ਬਰਾਮਦਗੀ ਦੀ ਮਾਮਲੇ 'ਚ ਇੱਕ 17 ਸਾਲਾ ਲੜਕੇ 'ਤੇ ਦੋਸ਼ ਲੱਗੇ ਹਨ।
ਇਹ ਬਰਾਮਦਗੀ ਸ਼ਨੀਵਾਰ ਨੂੰ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਸਥਿਤ ਇੱਕ ਰੂਮਿੰਗ ਹਾਊਸ 'ਚ ਹੋਈ ਸੀ।
ਅਫਸਰਾਂ ਦਾ ਕਹਿਣਾ ਸੀ ਕਿ ਸ਼ਨੀਵਾਰ ਨੂੰ ਉਨ੍ਹਾਂ ਕੋਲ ਰਿਪੋਰਟ ਪਹੁੰਚੀ ਸੀ ਕਿ ਇੱਕ ਵਿਅਕਤੀ ਨੇ ਗੈਰਕਨੂੰਨੀ ਢੰਗ ਨਾਲ ਐਬਟ ਅਤੇ ਵੈਸਟ ਹੇਸਟਿੰਗਸ ਸਟ੍ਰੀਟ ਦੇ ਕੋਲ ਸਥਿਤ ਗਰੈਂਡ ਯੂਨੀਅਨ ਨਾਮ ਦੇ ਰੂਮਿੰਗ ਹਾਊਸ 'ਚ ਦਾਖਿਲਾ ਲੈ ਲਿਆ ਸੀ।
ਜਦ ਅਫ਼ਸਰ ਮੌਕੇ 'ਤੇ ਪਹੁੰਚੇ ਤਾਂ ਇੱਕ ਟੀਨੇਜਰ ਨੇ ਭਰੀ ਹੋਈ ਬੰਦੂਕ ਨਾਲ ਅਫਸਰਾਂ ਨੂੰ ਰੋਕਿਆ।
ਟੀਨੇਜਰ ਨੂੰ ਤੁਰੰਤ ਗ੍ਰਿਫਤਾਰ ਕਰ ਲਿਆ ਗਿਆ।
ਅਫਸਰਾਂ ਨੂੰ ਲੜਕੇ ਤੋਂ 5 ਹੋਰ ਭਰੀਆਂ ਹੋਈਆਂ ਬੰਦੂਕਾਂ ਮਿਲੀਆਂ ਜਿਸ 'ਚ ਭਰੀ ਹੋਈ 357 ਮੈਗਨਮ ਅਤੇ 2 ਭਰੇ ਹੋਏ ਰਿਵਾਲਵਰ ਸ਼ਾਮਿਲ ਸਨ।
ਅਫਸਰਾਂ ਨੂੰ ਬੌਡੀ ਆਰਮਰ, ਅਸਲਾ, ਨਕਲੀ ਬੰਦੂਕਾਂ ਅਤੇ ਕਈ ਪ੍ਰਕਾਰ ਦੇ ਕੰਟਰੋਲਡ ਡਰੱਗਸ ਵੀ ਮਿਲੇ।
ਟੀਨੇਜਰ ਲੜਕੇ 'ਤੇ 'ਪੋਜ਼ੈਸ਼ਨ ਆਫ ਫਾਇਰਆਰਮ' ਦੇ ਦੋਸ਼ ਲੱਗੇ ਹਨ।
