16.39C Vancouver 16.39C VancouverNov 26, 2021 10:34 PM - The Canadian Press
ਦੱਖਣੀ ਅਫਰੀਕਾ ਦੇ ਵਿੱਚ ਇੱਕ ਨਵੇਂ ਅਤੇ ਖਤਰਨਾਕ ਮੰਨੇ ਜਾ ਰਹੇ ਕੋਵਿਡ-19 ਵਾਇਰਸ ਦੇ ਵੇਰੀਐਂਟ ਦੇ ਸਾਹਮਣੇ ਆਉਣ ਤੋਂ ਬਾਅਦ ਕੈਨੇਡਾ ਨੇ ਕੁਝ ਪਬੰਦੀਆਂ ਦਾ ਐਲਾਨ ਕੀਤਾ ਹੈ।
ਸਿਹਤ ਮੰਤਰੀ ਜੀਨ-ਈਵ ਡੁਕਲੌਸ ਨੇ ਜਾਣਕਾਰੀ ਦਿੱਤੀ ਕਿ ਹੁਣ ਤੋਂ ਦੱਖਣੀ ਅਫਰੀਕਾ ਰਾਹੀਂ ਆਉਂਦੇ ਕਿਸੇ ਵੀ ਵਿਦੇਸ਼ੀ ਯਾਤਰੀ ਦੀ ਕੈਨੇਡਾ 'ਚ ਐਂਟਰੀ 'ਤੇ ਪਬੰਦੀ ਲਗਾ ਦਿੱਤੀ ਗਈ ਹੈ।
ਜਿਹੜੇ ਲੋਕ ਬੀਤੇ 14 ਦਿਨ 'ਚ ਵਿਦੇਸ਼ ਯਾਤਰਾ ਤੋਂ ਪਰਤੇ ਹਨ ਉਨ੍ਹਾਂ ਲਈ ਹੁਣੇ ਤੋਂ ਕੁਆਰੰਟੀਨ ਕਰਨ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
ਇਨ੍ਹਾਂ ਲੋਕਾਂ ਨੂੰ ਆਪਣੇ ਕੋਵਿਡ-19 ਟੈਸਟ ਹਾਸਿਲ ਕਰਨ ਲਈ ਕਿਹਾ ਗਿਆ ਹੈ ਅਤੇ ਜਦ ਤਕ ਉਨ੍ਹਾਂ ਦੇ ਨੈਗੇਟਿਵ ਨਤੀਜੇ ਹਾਸਿਲ ਨਹੀਂ ਹੁੰਦੇ ਉਸ ਵੇਲੇ ਤਕ ਇਨ੍ਹਾਂ ਲੋਕਾਂ ਨੂੰ ਕੁਆਰੰਟੀਨ 'ਚ ਰਹਿਣ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਕਨੇਡੀਅਨ ਨਾਗਰਿਕ ਅਤੇ ਪਰਮਾਨੈਂਟ ਰੈਜੀਡੈਂਟਸ ਨੂੰ ਕੈਨੇਡਾ ਦੇ ਕਿਸੇ ਵੀ ਹਵਾਈ ਅੱਡੇ 'ਤੇ ਵਿਦੇਸ਼ ਯਾਤਰਾ ਤੋਂ ਪਰਤਦੇ ਹੋਏ ਕੋਵਿਡ-19 ਦੇ ਟੈਸਟ ਹਾਸਿਲ ਕਰਨੇ ਹੋਣਗੇ ਅਤੇ ਜਦ ਤਕ ਟੈਸਟ ਦੇ ਨਤੀਜੇ ਨਹੀਂ ਆਉਂਦੇ ਤਾਂ ਉਨ੍ਹਾਂ ਨੂੰ ਕੁਆਰੰਟੀਨ ਕਰਨਾ ਹੋਵੇਗਾ।
ਕੈਨੇਡਾ ਦੇ ਲੋਕਾਂ ਨੂੰ ਦੱਖਣੀ ਅਫਰੀਕਾ ਦੀ ਯਾਤਰਾ ਨਾ ਕਰਨ ਦੀ ਐਡਵਾਈਜਰੀ ਜਾਰੀ ਕੀਤੀ ਗਈ ਹੈ।
ਇਸ ਨਵੇਂ ਵਾਇਰਸ ਦਾ ਨਾਮ ਓਮੇਕਰੌਨ ਦਿੱਤਾ ਗਿਆ ਹੈ ਅਤੇ ਇਸ ਨੂੰ B.1.1.529 ਵਜੋਂ ਕਲਾਸੀਫਾਈ ਕੀਤਾ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਹੈ ਕਿ ਦੱਖਣੀ ਅਫਰੀਕਾ ਸਮੇਤ ਮੋਜ਼ੈਮਬੀਕ, ਬੋਟਸਵਾਨਾ, ਜ਼ਿੰਬਾਬਵੇ, ਲੈਸੋਥੋ, ਨਾਮੀਬੀਆ ਅਤੇ ਈਸਵਾਤੀਨੀ ਤੋਂ ਆਉਂਦੇ ਵਿਦੇਸ਼ੀ ਯਾਤਰੀਆਂ ਲਈ ਕੈਨੇਡਾ 'ਚ ਦਾਖਿਲੇ 'ਤੇ ਪਬੰਦੀ ਲਗਾ ਦਿੱਤੀ ਹੈ।
ਡਾ. ਥਰੈਸਾ ਟੈਮ ਨੇ ਕੀਤਾ ਸਾਵਧਾਨ
ਦੇਸ਼ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਦੱਖਣੀ ਅਫਰੀਕਾ 'ਚ ਸਾਹਮਣੇ ਆਏ ਕੋਵਿਡ-19 ਦੇ ਨਵੇਂ ਵਾਇਰਸ ਓਮੇਕਰੌਨ ਬਾਰੇ ਜਾਣਕਾਰੀ ਦਿੱਤੀ ਹੈ ਕਿ ਅਜੇ ਤਕ ਅਜਿਹੇ ਕੋਈ ਇੰਡੀਕੇਸ਼ਨ ਨਹੀਂ ਹਨ ਕਿ ਇਸ ਵਾਇਰਸ ਨੇ ਕੈਨੇਡਾ 'ਚ ਦਾਖਿਲਾ ਕੀਤਾ ਹੋਵੇ।
ਉਨ੍ਹਾਂ ਕਿਹਾ ਕਿ WHO ਵੱਲੋਂ ਇਸ ਵਾਇਰਸ ਨੂੰ 'ਵੇਰੀਐਂਟ ਆਫ ਕੰਸਰਨ' ਯਾਨੀ ਕਿ ਖਤਰਨਾਕ ਸਾਬਿਤ ਹੋਣ ਵਾਲਾ ਵੇਰੀਐਂਟ ਐਲਾਨ ਦਿੱਤਾ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਪ੍ਰੋਵਿੰਸ਼ੀਅਲ ਲੈਬੋਰੇਟਰੀਆਂ ਨੂੰ ਦੇਸ਼ ਭਰ 'ਚ ਇਸ ਵੇਰੀਐਂਟ ਬਾਰੇ ਸਾਵਧਾਨ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਇਹ ਵਾਇਰਸ ਆਸਾਨੀ ਨਾਲ ਟ੍ਰਾਂਸਮਿਟ ਹੁੰਦਾ ਹੈ ਅਤੇ ਇਸ ਕਾਰਨ ਸਾਵਧਾਨ ਰਹਿਣਾ ਜਰੂਰੀ ਹੈ।
