23.86C Vancouver 23.86C VancouverMay 26, 2025 7:42 PM - Connect Newsroom
ਲੈਂਗਲੀ 'ਚ 50 ਕਿਲੋਮੀਟਰ ਦੀ ਰਫਤਾਰ ਜ਼ੋਨ ਵਾਲੇ ਖੇਤਰ 'ਚ ਇੱਕ ਗੱਡੀ ਨੂੰ 124 ਕਿਲੋਮੀਟਰ ਦੀ ਰਫਤਾਰ 'ਤੇ ਦੜਾਉਂਦਿਆਂ ਕਲੌਕ ਕੀਤਾ ਗਿਆ।
ਖਤਰਨਾਕ ਡਰਾਈਵਿੰਗ ਦੇ ਇਸ ਮਾਮਲੇ ਬਾਰੇ ਲੈਂਗਲੀ ਆਰ.ਸੀ.ਐਮ.ਪੀ. ਵੱਲੋਂ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਪੁਲਿਸ ਅਨੁਸਾਰ ਮਾਮਲਾ 24 ਮਈ ਦਾ ਹੈ ਅਤੇ ਇੱਕ ਲਾਲ ਰੰਗ ਦੀ ਫਰਾਰੀ ਗੱਡੀ ਨੂੰ ਪਹਿਲੀ ਰਡਾਰ ਤੋਂ ਬਾਅਦ ਦੂਜੀ ਰਡਾਰ 'ਤੇ ਵੀ ਕਰੀਬ 100 ਮੀਟਰ ਦੀ ਦੂਰੀ 'ਤੇ 123 ਕਿਲੋਮੀਟਰ ਦੀ ਰਫਤਾਰ 'ਤੇ ਕਲੌਕ ਕੀਤਾ ਗਿਆ।
ਪੁਲਿਸ ਵੱਲੋਂ ਮਾਮਲੇ 'ਚ 48 ਸਾਲਾ ਸਰੀ ਨਿਵਾਸੀ ਨੂੰ 483 ਡਾਲਰ ਦਾ ਜੁਰਮਾਨਾ ਠੋਕਿਆ ਗਿਆ ਅਤੇ 7 ਦਿਨ ਲਈ ਫਰਾਰੀ ਗੱਡੀ ਇੰਪਾਉਂਡ ਕਰ ਲਈ ਗਈ।
ਮਾਮਲਾ ਲੈਂਗਲੀ 'ਚ ਵੈਗਨਵੀਲ ਕ੍ਰੀਸੈਂਟ ਅਤੇ 56 ਐਵੀਨਿਊ ਦੇ ਇਲਾਕੇ ਦਾ ਹੈ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਰਿਹਾਇਸ਼ੀ ਇਲਾਕਿਆਂ 'ਚ ਜਿਥੇ ਪਰਿਵਾਰ ਰਹਿੰਦੇ ਹਨ ਅਤੇ ਬੱਚੇ ਖੇਡਦੇ ਹਨ, ਉੱਥੇ ਇਸ ਪ੍ਰਕਾਰ ਨਾਲ ਵਾਹਨ ਚਲਾਉਣਾ ਬਰਦਾਸ਼ਤ ਤੋਂ ਬਾਹਰ ਹੈ।
