12.93C Vancouver 12.93C VancouverJul 27, 2021 7:30 PM -
ਲੈਂਗਲੀ 'ਚ ਵਾਪਰੀ ਇੱਕ ਕਤਲ ਦੀ ਵਾਰਦਾਤ ਵਿੱਚ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਪੀੜਤ ਵਿਅਕਤੀ ਦੀ ਪਛਾਣ ਕਰ ਲਈ ਹੈ।
ਅੱਗ ਲੱਗੀ ਗੱਡੀ 'ਚ ਮ੍ਰਿਤ ਮਿਲੇ ਵਿਅਕਤੀ ਨੂੰ ਇੱਕ ਗੋਰਾ ਵਿਅਕਤੀ ਦੱਸਿਆ ਗਿਆ ਹੈ।
ਇਸ ਦੀ ਪਛਾਣ 36 ਸਾਲਾ ਕ੍ਰਿਸਟੋਫਰ ਰੌਏ ਵਜੋਂ ਹੋਈ ਹੈ।
ਇਸ ਵਿਅਕਤੀ ਦਾ ਅਪਰਾਧਿਕ ਰਿਕਾਰਡ ਸੀ ਅਤੇ ਇਸ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਸੰਬੰਧਤ ਦੱਸਿਆ ਗਿਆ ਹੈ।
ਇਹ ਵੀ ਦੱਸਿਆ ਗਿਆ ਕਿ ਅੱਗ ਲੱਗਿਆ ਵਾਹਨ ਇੱਕ ਲਾਲ ਰੰਗ ਦਾ ਫੋਰਡ ਐਫ-150 ਟਰੱਕ ਸੀ।
ਇਹ ਇੱਕ ਮੋਡੀਫਾਈ ਕੀਤਾ ਹੋਇਆ ਟਰੱਕ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਹਾਲ ਦੀ ਘੜੀ ਇਸ ਨੂੰ ਮਿਥ ਕੇ ਅੰਜਾਮ ਦਿੱਤੀ ਗਈ ਵਾਰਦਾਤ ਮੰਨਿਆ ਜਾ ਰਿਹਾ ਹੈ।
ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਇਹ ਗੈਂਗ ਸੰਬੰਧੀ ਵਾਰਦਾਤ ਸੀ ਜਾਂ ਨਹੀਂ।
ਇਹ ਟਰੱਕ ਲੈਂਗਲੀ 'ਚ 197 ਸਟ੍ਰੀਟ ਅਤੇ 82 ਐਵੀਨਿਊ ਕੋਲ 21 ਜੁਲਾਈ ਨੂੰ ਸ਼ਾਮ ਕਰੀਬ 7 ਵਜੇ ਮਿਲਿਆ ਸੀ।
