25.06C Vancouver 25.06C VancouverNov 11, 2022 1:20 AM - Connect News
ਬੀ.ਸੀ. 'ਚ ਵਿਕਟੋਰੀਆ ਦੇ ਇੱਕ ਆਦਮੀ ਨੇ ਨਿਵੇਸ਼ਕਾਂ ਦੇ ਫੰਡਸ ਦੀ ਦੁਰਵਰਤੋਂ ਦੀ ਇਲਜਾਮ ਕਬੂਲੇ ਹਨ।
ਦੋਸ਼ ਕਬੂਲਣ ਵਾਲੇ ਵਿਅਕਤੀ ਦੀ ਉਮਰ 70 ਸਾਲ ਅਤੇ ਉਸ ਦਾ ਨਾਮ ਰੈਨਡੌਲਫ ਮਾਈਕਲ ਰੋਕਾਫੋਰਟ ਦੱਸਿਆ ਗਿਆ ਹੈ।
ਉਸ ਨੇ 7 ਨਵੰਬਰ ਨੂੰ ਵਿਕਟੋਰੀਆ 'ਚ ਬੀ.ਸੀ. ਪ੍ਰੋਵਿੰਸ਼ੀਅਲ ਕੋਰਟ 'ਚ $5,000 ਤੋਂ ਵਧੇਰੇ ਦੀ ਚੋਰੀ ਦੇ 4 ਦੋਸ਼ ਕਬੂਲੇ ਹਨ।
ਉਸ ਦੀ ਪਲੀ ਅਨੁਸਾਰ ਉਸ ਨੂੰ ਘਟੋ-ਘੱਟ 2 ਸਾਲ ਦੀ ਕੰਡੀਸ਼ਨਲ ਸਜਾ ਭੁਗਤਣੀ ਹੋਵੇਗੀ ਅਤੇ 5 ਪੀੜਤਾਂ ਨੂੰ ਰੈਸਟੀਟਿਊਸ਼ਨ ਵਜੋਂ ਘਟੋ-ਘੱਟ $77,000 ਦੀ ਅਦਾਇਗੀ ਕਰਨੀ ਹੋਵੇਗੀ।
ਦਰਅਸਲ ਵਿਕਟੋਰੀਆ ਨਿਵਾਸੀ ਨੇ ਦੋਸ਼ ਕਬੂਲੇ ਹਨ ਕਿ ਉਸ ਨੇ ਇਨਵੈਸਟਰਸ ਦੇ ਫੰਡ ਦੀ ਵਰਤੋਂ ਆਪਣੇ ਨਿਜੀ ਖਰਚਿਆਂ ਅਤੇ ਕੈਸ਼ ਵਿਦਡਰੌਲਸ ਲਈ ਕੀਤੀ ਸੀ।
ਫੰਡਸ ਦੇ ਗਲਤ ਇਸਤੇਮਾਲ ਦੇ ਮਾਮਲੇ ਸਾਲ 2008 ਤੋਂ 2016 ਵਿਚਾਲੇ ਦੇ ਦੱਸੇ ਗਏ ਹਨ।
ਰੋਕਾਫੋਰਟ ਦੀ ਕੰਡੀਸ਼ਨਲ ਸਜਾ 'ਚ ਹਾਊਸ ਅਰੈਸਟ ਅਤੇ ਕਰਫਿਊ ਸ਼ਾਮਿਲ ਹੋਵੇਗਾ।
