ਵਿਕਟੋਰੀਆ ਪੁਲਿਸ ਵੱਲੋਂ ਏਸ਼ੀਆਈ ਔਰਤ 'ਤੇ ਹੋਏ ਸ਼ੱਕੀ ਨਫ਼ਰਤੀ ਹਿੰਸਾ ਦੇ ਮਾਮਲੇ ਦੀ ਹੋ ਰਹੀ ਜਾਂਚ

ਵਿਕਟੋਰੀਆ ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਇੱਕ ਸ਼ੱਕੀ ਨਫਰਤੀ ਅਪਰਾਧ ਦੀ ਜਾਂਚ ਕਰ ਰਹੇ ਹਨ।

ਇੱਕ ਆਦਮੀ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਗਿਆ ਹੈ ਜਦ ਉਸ ਨੇ ਕਥਿਤ ਤੌਰ 'ਤੇ ਇੱਕ ਏਸ਼ੀਆਈ ਮੂਲ ਦੀ ਔਰਤ ਅਤੇ ਉਸ ਦੇ 4 ਬੱਚਿਆਂ 'ਤੇ ਥੁੱਕ ਦਿੱਤਾ।

ਇਹ ਔਰਤ ਅਤੇ ਬੱਚੇ ਇੱਕ ਐਲੀਮੈਂਟਰੀ ਸਕੂਲ ਦੇ ਨੇੜੇ ਸਨ।

ਪੁਲਿਸ ਨੇ ਦੱਸਿਆ ਕਿ ਘਟਨਾ ਮੰਗਲਵਾਰ ਦੁਪਹਿਰ ਵਾਪਰੀ ਸੀ।

ਘਟਨਾ ਦੌਰਾਨ ਇੱਕ ਆਫ-ਡਿਊਟੀ ਅਫ਼ਸਰ ਨੇ ਦਖਲ ਦਿੱਤਾ ਸੀ ਅਤੇ ਮਾਮਲੇ 'ਚ ਔਰਤ ਅਤੇ ਬੱਚਿਆਂ ਦਾ ਬਚਾਅ ਕੀਤਾ ਸੀ।

ਸ਼ੱਕੀ ਨੂੰ ਕੁਝ ਹੀ ਸਮੇਂ 'ਚ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।

ਵਿਕਟੋਰੀਆ ਪੁਲਿਸ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਏਸ਼ਿਆਈ ਮੂਲ ਦੇ ਲੋਕਾਂ ਖਿਲਾਫ਼ ਹੋ ਰਹੇ ਨਫਰਤੀ ਅਪਰਾਧ ਦੇ ਮਾਮਲਿਆਂ 'ਚ ਵਾਧਾ ਜ਼ਰੂਰ ਹੋਇਆ ਹੈ ਪਰ ਵਿਕਟੋਰੀਆ ਅਤੇ ਐਸਕੀਮਾਲਟ ਇਲਾਕੇ 'ਚ ਅਜਿਹਾ ਵੇਖਣ ਨੂੰ ਨਹੀਂ ਮਿਲਿਆ ਹੈ।

ਵਿਕਟੋਰੀਆ ਪੁਲਿਸ ਦਾ ਟਵੀਟ:

A man has been arrested & is facing recommended charges of assault & mischief after spitting at a mother & her children, yelling racial slurs, & then kicking an officer's vehicle. The incident is being treated as a hate-motivated assault.